Comunidade Valenciana
A Academia Valenciana da Lingua incorpora máis de 3000 nomes propios no seu vocabulario en valenciano
A Academia Valenciana da Lingua inclúe máis de 3000 nomes no seu "Vocabulario de nomes de persoa", o que permitirá que pais e nais poidan elixir o nome dos seus fillos en valenciano. Así mesmo, os funcionarios terán acceso á forma correcta dos nomes nesta lingua.
Fonte: El Mundo
O Concello de Elxe únese a unha campaña para promover o uso da lingua valenciana
Patricia Macià, concelleira de Promoción Lingüística do Concello de Elxe, presentou o programa "Voluntariado polo Valenciano", que impulsa a Escola Valenciana xunto ao Concello para promover o uso da lingua valenciana nas conversacións.
Fonte: elperiodic.com
Máis de trinta autores participarán na festa do libro en valenciano de Alacant
Alacant acollerá a denominada "Plaça del Llibre", a festa do libro en lingua valenciana, que reunirá máis de trinta autores valencianos, baleares e cataláns para fomentar a lectura en valenciano con actividades destinadas a todo tipo de público.
Fonte: Diario Información
Comezan os trámites da proposición de lei para regular o plurilingüismo na Comunidade Valenciana
As Cortes Valencianas aprobaron a proposición de lei para regular o plurilingüismo na Comunidade, unha iniciativa que establece porcentaxes mínimas para valenciano, inglés e castelán.
Fonte: 20minutos
O Goberno da Comunidade Valenciana aproba o decreto para o funcionamento da Oficina de Dereitos Lingüísticos
O Goberno da Comunidade Valenciana aprobou o decreto que regula o funcionamento da Oficina de Dereitos Lingüísticos (OLD). O obxectivo desta Oficina será o de garantir os dereitos lingüísticos da cidadanía, que son os que protexen o uso das linguas oficiais da Comunidade.
Fonte: Las Provincias
A Academia Valenciana da Lingua creará un vocabulario relacionado coa cerámica no ano 2018
A Academia Valenciana da Lingua elaborará no 2018 un vocabulario relacionado co sector da cerámica de Manises. Esta iniciativa pretende recuperar e promover o uso de termos en lingua valenciana vencellados a este ámbito.
Fonte: Levante-EMV
Preséntase un manual de estilo para mellorar o uso do valenciano no eido do xornalismo
A Facultade de Ciencias Humanas e Sociais da Universidade Jaume I acolleu a presentación do "Libro de estilo da Corporación Valenciana de Medios de Comunicación (CVMC)". Trátase dun manual que funcionará como un modelo para mellorar o uso da lingua valenciana no ámbito do xornalismo.
Fonte: elperiodic.com
Xa está en marcha a Oficina de Dereitos Lingüísticos da Comunidade Valenciana
A Oficina de Dereitos Lingüísticos da Comunidade Valenciana xa está en marcha. Deste xeito, segundo o decreto que regula o seu funcionamento, este organismo busca "proporcionar apoio e consello á cidadanía para canalizar as reclamacións, suxestións e consultas motivadas por posibles vulneracións dos dereitos lingüísticos e tratar de erradicalas".
Fonte: ABC
A Comunidade Valenciana e a Corporación Valenciana de Medios de Comunicación colaborarán na normalización lingüística
A Consellería de Educación e a Corporación Valenciana de Medios de Comunicación asinaron un acordo para coordinar accións en diversas materias, como a educación, a cultura, a investigación e a normalización lingüística. En relación a esta última, o acordo contribuirá a fomentar a aprendizaxe da lingua valenciana.
Fonte: La Vanguardia
O Concello de Vila-real e a Academia Valenciana da Lingua colaborarán para fomentar o valenciano
O Concello de Vila-real e a Academia Valenciana da Lingua seguirán a colaborar no impulso da lingua valenciana, pois veñen de asinar un convenio no que se recollen varias áreas de actuación e actividades para promover o idioma na cidade.
Fonte: La Plana al Dia
Boletín
Subscríbase ao boletín
