País Vasco
O Goberno vasco porá en marcha unha iniciativa que incidirá na activación social para promover o éuscaro
Esta nova iniciativa ten como obxectivo incidir nos hábitos lingüísticos e a activación social para promover a utilización do éuscaro.
Fonte: Diario Vasco
A Universidade de Mondragón premia os proxectos de fin de grao en éuscaro
O alumno da Facultade de Empresariais Mikel Irusta Zurikarai resultou gañador do primeiro premio polo seu proxecto en éuscaro polo que recibirá 1500 euros.
Fonte: Noticias de Gipuzkoa
Unha campaña anima os internautas a configurar ordenadores e móbiles en éuscaro
A Fundación PuntuEUS, Code Sintax, a Federación de Ikastolas e Kontseilua presentaron a iniciativa "Tamén en Internet, a primeira palabra, en éuscaro" co obxectivo de animar os usuarios a que configuren os seus ordenadores e teléfonos nesta lingua.
Fonte: Diario Vasco
O Parlamento vasco rexeita un cambio na política de perfís lingüísticos
O Parlamento debateu sobre o tratamento do éuscaro nas convocatorias de emprego público do Goberno vasco.
Fonte: Diario Vasco
Segundo un estudo, a metodoloxía Eusle permite un aumento no uso cotián do éuscaro
O estudo Aldahitz Ikerketa.Eusle metodologia esperientzien emaitzak 2013-2016 mostra os resultados das experiencias baseadas na metodoloxía Eusle en diferentes entidades públicas e privadas, que indican unha notable melloría no uso cotián do éuscaro.
Fonte: Naiz
O Concello de Vitoria destinará 70 000 euros a subvencións para proxectos de promoción do uso do éuscaro
O Concello de Vitoria realizará unha convocatoria de subvencións para proxectos de fomento do uso do éuscaro durante o curso 2017-2018.
Fonte: La Vanguardia
O Concello de Vitoria e a Deputación de Áraba fomentarán o éuscaro en empresas e establecementos comerciais
Ambas as institucións subscribiron un novo convenio marco de colaboración para os próximos catros anos para desenvolver o Plan xeral de promoción do uso do éuscaro na cidade e o territorio.
Fonte: Noticias de Álava
O Goberno vasco destina 2,7 millóns de euros para o desenvolvemento de actividades de fomento do éuscaro
Esta partida de 2 771 000 euros para o período 2017-2018 destinarase ao desenvolvemento do Plan de acción para a promoción do éuscaro que ten como obxectivo impulsar actividades de fomento desta lingua.
Fonte: Gobierno Vasco
O Goberno vasco aproba un novo decreto para renovar as bases do certificado de calidade na xestión lingüística Bikain
Este novo decreto ten entre os seus retos principais trasladarlles ás administracións o seu obxectivo de fomentar o éuscaro no ámbito laboral. Polo tanto, con esta renovación as entidades susceptibles de recibir o certificado dividiranse en dous grupos: entidades privadas e institucións públicas.
Fonte: Deia
Os sindicatos ELA e LAB comprométense a traballar conxuntamente no impulso do éuscaro no ámbito laboral
Os secretarios xerais de ambos os sindicatos subscribiron o Protocolo para a garantía dos dereitos lingüísticos co que se comprometen a traballar intensamente e de maneira conxunta na defensa destes dereitos e no fomento do uso do éuscaro no ámbito laboral.
Fonte: Deia
Boletín
Subscríbase ao boletín
