País Vasco
Unha nova campaña invita os profesionais do sector sanitario a escoller o éuscaro como lingua de preferencia
O Servizo Vasco de Saúde lanza esta campaña na que convida os profesionais sanitarios a escoller o éuscaro como lingua de preferencia a través dunha aplicación na que poderán rexistrar o idioma, o que lles permitirá facer unha mellor oferta de servizos.
Fonte: Gobierno Vasco
Selecciónase o proxecto gañador da nova axuda para impulsar curtametraxes de xénero fantástico en éuscaro
Olentzerori eskatu nion, de Amaia San Sebastián, converteuse no proxecto gañador da nova axuda para impulsar a produción de curtametraxes de xénero fantástico en éuscaro que se entregou no marco do Festival de Cine Fantástico – FANT, organizado polo Concello de Bilbao.
Fonte: Ayuntamiento de Bilbao
O tradutor neuronal Itzuli opta a un premio internacional de innovación polo seu uso transformador da tecnoloxía
Itzuli é un tradutor automático neuronal baseado na intelixencia artificial capaz de realizar traducións de gran calidade do éuscaro ao castelán, francés e inglés. Agora opta a un premio de carácter internacional promovido por Red Hat cuxa votación xa está aberta.
Fonte: Gobierno Vasco
EITB presenta Makusi, a primeira plataforma dixital en éuscaro para o público infantil e xuvenil
Makusi, a nova plataforma dixital en éuscaro para público infantil e xuvenil, ofrecerá de xeito gratuíto unha ampla oferta de contido audiovisual nesta lingua, clasificado e personalizado por idades.
Fonte: MundoPlus.tv
Desenvolven un sistema para ler contido de páxinas web en éuscaro en diferentes idiomas
Elhuyar e o grupo IKT de Ikastolen Elkartea desenvolveron conxuntamente un sistema de tradución que permite ler contidos web en diferentes idiomas. O tradutor automático Elia conseguiu que todo o contido se poida recibir noutras oito linguas, ademais do éuscaro.
Fonte: Eluyar
O Goberno vasco destina 1,2 millóns de euros ao programa Ulibarri de normalización lingüística
O Programa Ulibarri de normalización lingüística está destinado a centros concertados de ensino non universitario. Trátase dunha convocatoria de axudas que ten como obxectivo axudalos a poñer en marcha proxectos para fomentar o uso do éuscaro na comunidade educativa.
Fonte: Gobierno Vasco
O Concello de Vitoria-Gasteiz aproba o Plan de acción para a promoción do uso do éuscaro
Este plan inclúe 68 medidas para impulsar o uso do éuscaro en Vitoria-Gasteiz ata o ano 2028 e ten como obxectivo definir os retos en materia de lingua e establecer as liñas de traballo para cada ámbito: socioeconómico; lecer e tempo libre; educación e transmisión familiar; e euscaldunización de persoas adultas.
O Goberno vasco financiará a gratuidade da aprendizaxe do éuscaro
Destinarase unha partida de 3,7 millóns de euros para subvencionar o proceso de aprendizaxe do éuscaro do alumnado dos euskaltegis da Comunidade Autónoma Vasca que obteña o A1, A2, B1, B2, C1 e C2.
Fonte: Gobierno Vasco
O Goberno vasco lanza a convocatoria Euskalgintza para a promoción, o desenvolvemento e a normalización do éuscaro
A convocatoria Euskalgintza, á que se destinarán 1 704 000 euros, está destinada a persoas físicas ou xurídicas privadas dedicadas á promoción, ao desenvolvemento ou á normalización do éuscaro na sociedade.
Fonte: Gobierno Vasco
O Concello de Vitoria-Gasteiz lanza unha convocatoria para que a mocidade poida desenvolver propostas creativas en éuscaro
A bolsa Gazte Sortzaileak, que conta cunha dotación económica de 18 000 euros, está dirixida a persoas de 16 a 35 anos e ten como obxectivo fomentar a creación en éuscaro.
Boletín
Subscríbase ao boletín