País Vasco
O Goberno vasco crea unha app para medir o nivel de lectura en éuscaro e castelán
Tras detectar que a competencia lectora segue a ser unha materia pendente en Euskadi, o Departamento de Educación desenvolveu a aplicación ITT para medir o rendemento en lectura do alumnado de Primaria tanto en éuscaro como en castelán.
Fonte: Deia
O Goberno vasco aproba as subvencións para proxectos da convocatoria Euskalgintza, de promoción e difusión do éuscaro
O Consello de Goberno destina 1,7 millóns de euros aos proxectos de Euskalgintza, que buscan o fomento e a normalización do éuscaro. Ademais, este ano a convocatoria conta cunha nova modalidade de proxectos, que teñen como obxectivo a creación e difusión audiovisual.
Fonte: Gobierno Vasco
O Goberno vasco premia as asociacións deportivas e as persoas que promoven a normalización do éuscaro no día a día
O Consello de Goberno crea o premio Kiroletik Bagoaz Euskaraz, que ten a súa orixe no Plan de Promoción do Éuscaro no Deporte 2021-2024, para recoñecer as asociacións e os particulares que traballan de forma sistemática para fomentar o uso do éuscaro no ámbito deportivo.
Fonte: Gobierno Vasco
A Xunta de Goberno Local de Vitoria-Gasteiz aproba un novo programa para promover o éuscaro no comercio, na hostalaría e no sector de servizos
Co fin de seguir avanzando nos obxectivos marcados no Plan de Acción para a Promoción do Éuscaro, Vitoria-Gasteiz aposta por priorizar o fomento do éuscaro nos sectores máis próximos á cidadanía e que teñen un grande impacto na vida social da cidade. Para conseguilo, conta cun orzamento de 50 000 euros e levará a cabo unha campaña de sensibilización que pretende responder ás necesidades e dificultades da promoción desta lingua.
Eroski impulsará o uso do éuscaro como estratexia para diferenciarse doutras grandes marcas
Unha das cadeas de supermercados máis emblemática do País Vasco, Eroski, vai fomentar o éuscaro como parte da súa estratexia de diferenciación respecto a outras grandes marcas. Este apoio plasmarase en accións concretas, como a alianza coa Escola Pública Vasca para impulsar o ensino desta lingua.
Fonte: Bilbaohiria
O 20 % das federacións deportivas vascas participa na iniciativa para impulsar o uso do éuscaro no ámbito deportivo
O 20 % das federacións deportivas do País Vasco sumouse ao acordo de colaboración entre o Goberno vasco e a Unión de Federacións Deportivas para promover o uso do éuscaro no deporte.
Fonte: Irekia
A plataforma Irekia de comunicación entre a cidadanía e a Administración incorpora subtítulos en éuscaro e castelán
Irekia, a canle de comunicación en liña entre a cidadanía e a Administración, estreou os subtítulos en éuscaro e castelán en tempo real nas roldas de prensa posteriores ao Consello de Goberno.
Fonte: Gobierno Vasco
O Concello de Elgoibar convoca axudas para a aprendizaxe do éuscaro
Estas axudas municipais para 2023 están destinadas á cidadanía que queira aprender éuscaro, así como a incrementar o uso desta lingua en establecementos comerciais e empresas locais e a premiar a aprobación do exame teórico do permiso de conducir en éuscaro.
Fonte: El Diario Vasco
O Goberno vasco destinará un millón de euros ao impulso do éuscaro en medios que usan principalmente o castelán
Estas axudas, que se distribuirán por grupos, están destinadas á prensa diaria, edicións dixitais, radios e axencias de noticias que emiten noticias en internet.
Fonte: Gobierno Vasco
Portugalete acollerá este verán o primeiro circo en éuscaro
Ao longo dos meses de xuño e xullo, Gure Zirkua, o primeiro circo integramente en éuscaro, chega a Portugalete co obxectivo de reivindicar a cultura vasca.
Fonte: El Correo
Boletín
Subscríbase ao boletín
