País Vasco

O Goberno vasco celebra un acto de recoñecemento do uso do éuscaro de entidades públicas e privadas

Neste acto, celebrado en Bilbao, recoñecéronse os avances de entidades públicas e privadas en materia de xestión e desenvolvemento do éuscaro. Así, ademais dos certificados Bikain, entregáronse outros distintivos como os diplomas Harrobi.

Fonte: Gobierno Vasco

País Vasco

O Goberno vasco recibe unha delegación australiana que quere coñecer o seu sistema de tradución

Representantes do Goberno de Australia visitan o País Vasco do 11 ao 15 de decembro para coñecer IZO, o Sistema Oficial de Tradutores para a tradución e a interpretación do éuscaro e ao éuscaro da Administración.

Fonte: Gobierno Vasco

País Vasco

Ponse en marcha a campaña Manga Euskaraz para fomentar a lectura en éuscaro entre a mocidade

No marco da edición deste ano da Durangoko Azoka porase en marcha esta campaña, impulsada pola editorial Harriet e o Goberno vasco, para fomentar a lectura en éuscaro entre a xente nova.

Fonte: Noticias de Álava

País Vasco

EITB lanza un novo servizo audiovisual de noticias en éuscaro

WhatsApp Orain é o novo servizo de noticias en éuscaro creado por informativos EITB que se engloba na marca dixital Orain Berriak. Primará as noticias de máis impacto social e o formato vídeo e imaxes.

Fonte: EITB

País Vasco

O Goberno vasco pon en marcha unha campaña para fomentar o uso do éuscaro no comercio e na hostalería en 131 localidades

Por cuarto ano consecutivo comeza a campaña «Eskatu Eskaini Euskaraz» que ten como obxectivo fomentar o uso do éuscaro no comercio e na hostalería e sensibilizar as persoas consumidoras. Un total de 131 localidades vascas participarán nesta iniciativa.

Fonte: Gobierno Vasco

País Vasco

Máis da metade dos profesionais do Servizo Vasco de Saúde conta co perfil lingüístico correspondente á súa praza

O Servizo Vasco de Saúde-Osakidetza multiplicou en vinte anos por sete a porcentaxe de profesionais que cumpren o perfil lingüístico da súa praza, ao pasar do 7,6 % ao 51 %.

Fonte: Gobierno Vasco

País Vasco

Celébrase o Día Internacional do Éuscaro centrado este ano na presenza desta lingua no mundo dixital

A celebración do Día Internacional do Éuscaro o 3 de decembro estivo centrada este ano nos retos no ámbito dixital e no fito que supón, neste sentido, a campaña GAITU para a captación de voces para que as tecnoloxías falen este idioma.  

Fonte: Gobierno Vasco

País Vasco

O informe de 2022 de Elebide recolle 212 incidencias relativas á vulneración dos dereitos lingüísticos

Este informe sinala que o ano pasado se rexistraron 212 incidencias por vulneracións dos dereitos lingüísticos, 65 menos que o ano anterior. O 96 % das queixas relacionouse co dereito a usar o éuscaro.

Fonte: Gobierno Vasco

País Vasco

Organízase un maratón para ensinarlles éuscaro ás novas tecnoloxías

O  maratón 100 ahots baietz! celébrase o sábado 2 de decembro para ensinarlles éuscaro ás novas tecnoloxías, e poder empregar esta lingua nos móbiles, ordenadores e outras ferramentas.   

Fonte: Tolosako Udala

País Vasco

Preséntase un dicionario trilingüe éuscaro-castelán-inglés con termos da Axenda 2030

Este dicionario, impulsado polo Goberno vasco, Danobatgroup e Elhuyar, componse de 3600 entradas en éuscaro, castelán e inglés relativas a termos e definicións do ámbito dos 17 Obxectivos de Desenvolvemento Sostible.  

Fonte: Noticias de Gipuzkoa

País Vasco

Boletín

Subscríbase ao boletín

Logo Feder