País Vasco

O Concello de Elgoibar lanza un programa de subvencións en materia de éuscaro

O programa de axudas en materia de éuscaro para 2022 deste concello xa está en marcha. As actividades que se poden subvencionar inclúen, entre outros, cursos organizados por universidades, plans para o uso desta lingua nas empresas da localidade ou a instalación de rótulos identificativos en comercios.

Fonte: Diario Vasco

País Vasco

A Deputación de Guipúscoa anima a usar o éuscaro para facer a declaración da renda

O deputado foral de Facenda e Finanzas de Guipúscoa afirma que a campaña da renda é unha boa oportunidade para apostar polo éuscaro, tanto nas oficinas como na presentación da declaración por internet. Así, avanza no seu obxectivo para conseguir que, en 2023, 100 000 guipuscoanos e guipuscoanas se relacionen con Facenda nesta lingua.

Fonte: El Diario

País Vasco

O proxecto Harixa establece as súas futuras liñas de traballo na normalización do uso do éuscaro no ámbito laboral

Na última reunión de traballo deste proxecto fixáronse as liñas de traballo para o futuro, entre as que destaca a visita a empresas para presentarlles a iniciativa, de cara a realizar un diagnóstico da situación lingüística de cada unha e adquirir novos compromisos.  

Fonte: Diario Vasco

País Vasco

Concellos e asesorías da comarca de Lea-Artibai animan a cidadanía a realizar a declaración da renda en éuscaro

Preténdese así animar a cidadanía a relacionarse coa Administración en éuscaro, xa que, malia que nos últimos anos se incrementou o número de persoas que fan a declaración da renda nesta lingua, existe marxe de mellora tendo en conta a realidade sociolingüística da comarca.

Fonte: Diario Vasco

País Vasco

O Concello de Vitoria-Gasteiz convoca subvencións para proxectos de promoción do uso do éuscaro

A Xunta de Goberno Local aprobou destinar 96 000 euros á convocatoria de axudas para proxectos de promoción do éuscaro en ámbitos como o lecer, o deporte e os medios de comunicación locais.

Fonte: Ayuntamiento de Vitoria-Gasteiz

País Vasco

Os sindicatos demandan unha solución para o persoal interino da Administración vasca que non acreditou o perfil lingüístico esixido

A consolidación de persoal interino, que ten como obxectivo reducir a temporalidade na Administración vasca (que alcanza o 40 %), deixou ao descuberto a realidade dalgúns traballadores e traballadoras que non poden acreditar o perfil lingüístico esixido para o seu posto.

Fonte: Cadena SER

País Vasco

Finaliza en Donostia a 22 edición da Korrika, a carreira a favor do éuscaro

A cidade de Donostia-San Sebastián acolleu o final da Korrika, a carreira a prol do éuscaro que chegou á cidade vasca tras percorrer 2500 quilómetros por diferentes puntos de toda Euskal Herria.

Fonte: SER

País Vasco

A Deputación Foral de Guipúscoa destinará case un millón de euros ao fomento do éuscaro

Diferentes tipos de entidades (asociacións, concellos...) serán os destinatarios da partida de 967 718 euros que a Deputación dedicará á promoción do éuscaro, en concreto, a actividades como plans locais de normalización lingüística ou a creación e difusión de contidos nesta lingua utilizando as TIC.

Fonte: Noticias de Gipuzkoa

País Vasco

Un total de 24 empresas da comarca de Arratia comprométese coa promoción do éuscaro no ámbito socioeconómico

As empresas, a asociación Gorbeialdea e Zulaibar Lantegi Ikastegia asinaron un convenio coa fundación Errota para beneficiarse dos servizos gratuítos que ofrece eusGara para aumentar a presenza do éuscaro no ámbito socioeconómico: servizo de tradución, asesoramento lingüístico, xestión de axudas ou actividades formativas.

Fonte: Gobierno Vasco

País Vasco

O Goberno vasco prepara un novo decreto sobre a normalización do uso do éuscaro na Administración

Este novo decreto, que o Goberno vasco pretende aprobar a principios de 2023, quere incorporar as sociedades dependentes do sector público vasco ás condicións que se establecen na normativa vixente relativas aos requisitos sobre o coñecemento do éuscaro e o castelán.

Fonte: Deia

País Vasco

Boletín

Subscríbase ao boletín

Logo Feder