País Vasco

Bilbao acollerá un campus sobre cultura dixital en éuscaro

O Concello de Bilbao e a Fundación Azkue organizan «Hala, Birala! Kanpusa», un campus en éuscaro sobre cultura dixital no que se tratarán temas como a técnica de animación stop motion, videoxogos en éuscaro, usos e comportamentos axeitados nas redes sociais e edición de vídeos.

Fonte: Ayuntamiento de Bilbao

País Vasco

As persoas privadas de liberdade nas prisións vascas recibirán clases de éuscaro

O Goberno vasco asina un acordo co Instituto de Alfabetización e Reeuscaldunización de Adultos-HABE para o ensino do éuscaro nos tres cárceres vascos para o que destinará unha partida de 100 000 euros en 2024.

Fonte: Gobierno Vasco

País Vasco

O Goberno vasco crea un premio para recoñecer o labor de persoas que traballan a prol da normalización do éuscaro

O premio Kiroletik Bagoaz Euskaraz ten como obxectivo recoñecer as iniciativas a favor do éuscaro impulsadas no ámbito deportivo por asociacións e particulares. Na súa primeira edición o galardón vai para o psicólogo Aritz Olagoi.

Fonte: Gobierno Vasco

País Vasco

Convócase unha nova bolsa para impulsar a creación literaria en éuscaro

O Goberno vasco e a Fundación BBVA asinaron un convenio de colaboración para crear a Bolsa Xabier Lete cuxo obxectivo é promover a creación literaria en éuscaro. Outorgaranse 70 000 euros para que escritoras e escritores poidan dedicar un ano ao seu proxecto literario.

Fonte: Gobierno Vasco

País Vasco

O Concello de Durango organiza cursos de acollida lingüística para persoas migrantes

Os cursos AISA de acollida lingüística para persoas inmigrantes maiores de 16 anos teñen como obxectivo iniciarse na aprendizaxe do éuscaro. A súa duración é de 60 horas e son de balde.

Fonte: Durangon

País Vasco

O Concello de Sestao organiza actividades de fomento do éuscaro fóra do horario escolar

A iniciativa, que se desenvolve ao abeiro dos programas Berbontzi e MintzaOn, está dirixida a alumnado de primaria. O obxectivo é que nenos/as e adolescentes dispoñan de posibilidades de usar o éuscaro e relacionarse nesta lingua fóra do ámbito escolar.

Fonte: Tele 7

País Vasco

Preséntase en Durango un decálogo para fomentar o éuscaro nas empresas do municipio

O Concello de Durango, Dendak Bai e Landue presentaron un decálogo para incrementar o uso do éuscaro nos establecementos comerciais e hostaleiros, así como nas empresas de servizos.  

Fonte: Ayuntamiento de Durango

País Vasco

O Goberno vasco aproba un acordo para garantir os dereitos lingüísticos da cidadanía

O acordo que asinarán o Servizo de Garantía dos Dereitos Lingüísticos e o Ararteko (o valedor do pobo do País Vasco) terá unha vixencia de catro anos e o seu obxectivo será definir a colaboración na protección da cidadanía fronte á discriminación lingüística e protexer os seus dereitos neste eido.

Fonte: Gobierno Vasco

País Vasco

Zineuskadi 2024 convoca axudas para a dobraxe de películas ao éuscaro

O programa de axudas Zinema Euskaraz, cuxa convocatoria está aberta a novas solicitudes ata o 31 de decembro, cobre o 100 % dos gastos de dobraxe dos filmes ao éuscaro.

Fonte: Cine y Tele

País Vasco

A Deputación Foral de Guipúscoa premia tres entidades polo seu compromiso co fomento do éuscaro no ámbito socioeconómico

No acto de recoñecemento da iniciativa «LH Duala Euskaraz» (FP Dual en éuscaro), premiáronse tres entidades que levan a cabo a formación profesional e a inserción laboral do alumnado en éuscaro: Copreci, Aita Menni e Elkarmedia.

Fonte: Diputación Foral de Gipuzkoa

País Vasco

Boletín

Subscríbase ao boletín

Logo Feder