País Vasco
Máis do 60 % da poboación vasca ten algún coñecemento de éuscaro
Segundo datos do Instituto Vasco de Estatística, tres de cada cinco residentes no País Vasco teñen algún coñecemento de éuscaro e un 42% recoñécese como falante habitual desta lingua.
Fonte: La Vanguardia
Un proxecto impulsa o uso do éuscaro a través de dúas aplicacións móbiles
O proxecto 2deo, iniciado en decembro de 2017 no País Vasco para fomentar o uso do éuscaro, presentou os primeiros resultados dende a súa posta en marcha, destacando o desenvolvemento de dúas aplicacións para dispositivos móbiles, JarriOn e Goazen, que permiten compartir contidos audiovisuais nesta lingua.
Fonte: El Diario Vasco
Hondarribia pon en marcha unha iniciativa para que os cativos reflexionen sobre o uso do éuscaro
O Concello vasco de Hondarribia e Euskaltzaleen Topagunea porán en marcha unha iniciativa dirixida a familias con fillos e fillas de entre 4 e 8 anos para reflexionar sobre o éuscaro e fomentar o seu uso.
Fonte: Diario Vasco
Convócase unha bolsa para estudar a evolución do éuscaro no municipio vasco de Zumaia
O concello do municipio vasco de Zumaia abriu a convocatoria dunha bolsa que sirva para estudar a historia social do éuscaro no municipio, a fin de poñer orde á información existente e facer divulgación científica dos resultados.
Fonte: Noticias de Gipuzkoa
Catro municipios vascos poñen en marcha unha iniciativa para facer a declaración da renda en éuscaro
Os municipios guipuscoanos de Goierri, Beasain, Lazkao e Ordizia anunciaron a posta en marcha dunha campaña para promover a realización da declaración da renda en éuscaro. Este é o oitavo ano que se leva a cabo esta iniciativa, e obsérvase, en xeral, un progresivo incremento anual no número de declaracións nesta lingua.
Fonte: El Diario Vasco
Abren unha nova liña de axudas no País Vasco dirixida ao fomento do uso do éuscaro no eido dixital
O Goberno vasco confirmou a aprobación dunha nova liña de axudas que irá dirixida á promoción, desenvolvemento e normalización do uso da lingua vasca no ámbito dixital. Estas subvencións poderán destinarse tanto a proxectos novos como a outros que xa se atopen en marcha.
Fonte: La Vanguardia
Presentan o proxecto Txikipedia, unha enciclopedia en éuscaro para nenas e nenos de 8 a 13 anos
Txikipedia é un proxecto posto en marcha por Euskal Wikilarien Elkartea. Trátase dunha enciclopedia en éuscaro para nenas e nenos de 8 a 13 anos, cuxo léxico e sintaxe se adaptaron a esa franxa de idade para que a súa lectura e comprensión resulten máis doadas.
Fonte: EITB
O Parlamento vasco solicita que o éuscaro sexa recoñecido como un mérito na oferta pública de emprego
O Parlamento vasco solicitoulle ao Goberno central que o coñecemento das linguas oficiais, como o caso do éuscaro, se teña en conta coma un mérito nos postos da oferta pública de emprego nos que o uso destes idiomas sexa indispensable.
Fonte: Cope
Búscase a unha persoa disposta a mostrar a súa vida en éuscaro durante once días
A plataforma Eibarren Akebai convoca para o vindeiro 20 de abril de 2018 unha proba para atopar unha persoa que durante once días mostre a súa vida en éuscaro na cidade guipuscoana de Eibar, gravando situacións cotiás en diferentes ambientes da cidade e animando o público a usar esta lingua.
Fonte: Diario Vasco
Convócanse os Premios Azkue de Literatura para promover a creatividade literaria entre a mocidade vasca
A Real Academia da Lingua Vasca fixo entrega dos Premios Azkue de Literatura, dirixidos á rapazada de entre 10 e 17 anos e que nesta edición recibiu ata 151 escritos. O obxectivo destes premios é fomentar a escritura en éuscaro entre a xuventude.
Fonte: Deia
Boletín
Subscríbase ao boletín
