España

L'aragonés y lo catalán en l’actualidat. Seminari Aragonès de Sociolingüística. 2017

Este informe pretende servir de ferramenta de traballo e reflexión en relación coas dúas lingua históricas que se falan en Aragón, o catalán e o aragonés. Parte da análise do censo de poboación e vivendas do ano 2011.

Consulte o documento

V Mapa Sociolingüístico. Gobierno Vasco. 2014

O V Mapa Sociolingüístico elaborouse tendo en conta os datos do Censo de Poboación e Vivendas de 2011.

Consulte o documento

L'oficialitat lingüística. Declaracions constitucionals i implicacions jurídiques i pràctiques. Generalitat de Catalunya. 2015

A finalidade deste estudo é proporcionar información e datos obxectivos procedentes do dereito comparado sobre as implicacións xurídicas e prácticas que pode ter o concepto xurídico de oficialidade lingüística.

Consulte o documento

VI Informe sobre la situació de la llengua catalana. Observatori de la Llengua Catalana. 2013

Este informe presenta datos sobre a situación do catalán no ano 2012. Nel recóllense as dimensións demográficas, políticas, xurídicas, económicas e sociais desta lingua.

Consulte o documento

La dimensió de les llengües a la Wikipedia i la seua relació amb els elements socials. Xarxa CRUSCAT. 2011

Este texto constitúe unha primeira aproximación a cales son os factores sociais, educativos, tecnolóxicos, económicos e demográficos que se relacionan coa posición dunha lingua na clasificación do número de artigos na Wikipedia. Desta análise nace un concepto clave, o de comunidade lingüística dixital, e a observación de que a posición do catalán no mundo de internet non se debe a un pretendido activismo dos seus falantes, senón máis ben a unha posición moi semellante á doutras comunidades lingüísticas de demografía mediana.

Informe de Política Lingüística 2010. Generalitat de Catalunya. 2011

Este informe, elaborado pola Dirección Xeral de Política Lingüística catalá, contén as actuacións máis relevantes en materia de política lingüística realizadas durante o ano 2010 e un conxunto de datos que permiten coñecer a situación do catalán en diversos ámbitos da sociedade.

Índice:
I. O marco lingüístico legal
II. A organización do Goberno en materia de política lingüística
III. O orzamento da Generalitat para a política lingüística
IV. A acción do Goberno
V. Novos datos sobre o coñecemento e o uso do catalán

Coneixements i usos del català a Catalunya el 2010: dades del Baròmetre de la Comunicació i la Cultura. Xarxa CRUSCAT. 2011

Este estudo analiza o coñecemento, usos e actitudes actuais en Cataluña en relación coa lingua catalá; a situación do catalán en Cataluña, Illas Baleares e Comunidade Valenciana; e a situación do catalán comarca a comarca, en Cataluña.

Consulte o documento

Llengua i joves. Usos i percepcions lingüístics de la joventut catalana. Generalitat de Catalunya. 2010

Estudo que analiza o uso da lingua catalá entre as persoas máis novas, tanto desde un punto de vista estático coma dinámico, así como as actitudes e os posicionamentos da xente nova ante esta lingua. O estudo combina unha metodoloxía cuantitativa (a través de enquisas) cunha cualitativa (con datos obtidos a partir de entrevistas e debates en grupo).

Consulte o documento

Enquesta d'usos lingüístics de la població 2008. Generalitat de Catalunya. 2009

O principal obxectivo desta enquisa é coñecer os usos que as persoas residentes en Cataluña fan das diversas linguas presentes no territorio. Nesta edición tamén se preguntou sobre os coñecementos das linguas castelá, inglesa e francesa e se fixo unha mostra específica para o Val de Arán para ter datos sobre o uso e o coñecemento da variedade aranesa da lingua occitana neste territorio. Nesta edición 2008 da enquisa de usos lingüísticos da poboación entrevistáronse 7.140 persoas de 15 anos ou máis.

Informe sobre la situació de la llengua catalana (2005-2007). Observatori de la Llengua Catalana. 2009

Este informe ten a súa orixe nun encargo do Observatori de la Llengua Catalana a fin de facer un seguimento e unha avaliación da lingua catalá coa maior solvencia e rigor académico posibles, tanto no que se refire ao seu uso social como ao marco legal en que se desenvolve. No marco do Observatori xa se publicara anteriormente o Informe sobre la situació de la llengua catalana (2003-2004), do que o actual informe se pode considerar herdeiro e continuador.

Consulte o documento

Boletín

Subscríbase ao boletín

9 + 3 =
Logo Feder