CiU, ERC e ICV-EUiA coincidiron en esixir que o eventual pacto entre o PSOE e o PP en materia educativa respecte o modelo catalán establecido na Lei de educación de Cataluña (LEC), non invada as competencias da Generalitat e respecte a inmersión lingüística.

Fonte: Europa Press

O Consello de Ministros, a proposta do ministro de Xustiza, Francisco Caamaño, aprobou un acordo polo que se crea a Comisión de modernización da linguaxe xurídica, que no prazo dun ano deberá elaborar un informe que analice a situación actual da linguaxe empregada polos profesionais do Dereito e recomende as accións que considere necesarias para que a linguaxe xurídica sexa máis comprensible para a cidadanía.

Fonte: Europa Press

O portavoz del Bloque por Asturias, Pablo Fernández, solicitoulle ao novo arcebispo de Oviedo, Jesús Sanz, que utilice a lingua asturiana con normalidade, como ferramenta no mundo eclesiástico e na liturxia.

Fonte: Europa Press

Alberto Fernández Díaz, presidente do grupo municipal popular no Concello de Barcelona, impugnou o regulamento de usos lingüísticos do Concello, ao que dan apoio tanto CiU como ERC e os grupos de goberno.

Fonte: Avui

As 250 novas palabras que incorporou o catalán durante 2009 están maioritariamente relacionadas co ámbito dos videoxogos e a gastronomía. Trátase dunha adaptación de termos que chegan do inglés, o francés, o italiano e o castelán, segundo informou o centro de terminoloxía Termcat.

Fonte: El País

A publicación, en formato en papel e en CD-ROM, aborda temas como a variación lingüística e o futuro do español en América, así como os novos retos aos que se enfronta este idioma co uso de internet e coa aparición de novas regras e formas discursivas vinculadas aos avances tecnolóxicos, informou a Universidade nun comunicado.

Fonte: Granada Digital

Un dos puntos recollidos nos novos estatutos da Universidade de Oviedo é o uso da lingua asturiana na Universidade. Segundo a nova normativa, a institución docente asumirá «un maior compromiso» na normalización e desenvolvemento do asturiano, pero rexeita a súa consideración como «lingua propia», tal e como propoñía unha das emendas presentadas contra o novo texto normativo.

Fonte: La Nueva España

A páxina está accesible desde dous dominios (www.fundacioramonllull.cat e www.fundacioramonllull.ad) e en cinco idiomas (catalán, castelán, francés, inglés e italiano). Os internautas poderán encontrar puntualmente todas as novidades sobre a Fundación, as actividades previstas e os datos esenciais.

Fonte: ABC

O Partido Popular defenderá no próximo período de sesións unha proposición non de Lei no Parlamento andaluz na que insta a Junta a autorizar as ensinanzas de español como "lingua estranxeira" nas escolas oficiais de idiomas da provincia de Almería situadas "nos municipios con maior número de residentes estranxeiros".

Fonte: Europa Press

Un total de 7.600 familias con fillos de entre 2 e 3 anos e residentes en 23 municipios e tres mancomunidades biscaíñas serán protagonistas dunha campaña informativa que ten como obxectivo promover a escolarización infantil en éuscaro.

Fonte: Deia