España
O Valedor do Pobo de Navarra proponlle ao Goberno foral que potencie o vasco na zona mixta
O Valedor do Pobo de Navarra, Javier Enériz, recomendoulle ao Goberno foral que elabore un regulamento para desenvolver a Lei foral do vasco e cubra as "lagoas" que presenta esta lei na zona mixta, para potenciar, desenvolver e fomentar o uso do vasco nesta zona, que é onde se centra o maior número de habitantes de Navarra, "gran parte deles falantes de vasco", observou o Valedor.
Fonte: Diario de Navarra
O PP rexeita que se esixa saber valenciano para traballar na Administración pública
O voceiro do PP, Rafael Blasco, rexeitou que o seu grupo nas Cortes vaia apoiar a reforma da Lei da función pública que propón o PSPV e que afectaría a como puntúa o requisito lingüístico nas oposicións da Generalitat Valenciana.
Fonte: El Mundo
O Departamento vasco de Educación fixa un mínimo de cinco horas en éuscaro, castelán e inglés por semana
Impulsar o éuscaro, consolidar o bilingüismo e activar o inglés. Estes son os tres obxectivos do marco experimental que o Goberno vasco implantará os próximos tres cursos en 40 centros públicos e concertados.
Fonte: El Correo
A Generalitat de Catalunya e a compañía aérea Andalus acordan promover o uso da lingua catalá
O delegado do Goberno catalán, Jordi Martinoy, e o director xeral de Andalus, Fernando Guerrero, asinan un convenio que permitirá dispoñer en catalán do web da compañía e das mensaxes de cabina, entre outras cousas.
Fonte: Generalitat de Catalunya
Un partido político musulmán pide unha lei que regule a protección da lingua árabe en Ceuta
O presidente de Unión Democrática Ceutí (UDCE), Mohamed Alí, sinalou que o estatuto ten que reflectir "que o castelán é a lingua oficial da Comunidade Autónoma de Ceuta, pero por razóns histórico-sociais a lingua árabe (árabe ceutí) debe gozar dunha especial protección, sen que iso sexa óbice para o recoñecemento do resto de sensibilidades e realidades lingüísticas que conforman a nosa diversidade cultural".
Fonte: ABC
A Comunidade Valenciana conta xa con intérpretes de 60 linguas nos xulgados
A xustiza valenciana fala xa 60 idiomas, os que manexan os intérpretes xudiciais ao servizo da Generalitat. Cada ano aumenta o seu traballo e en 2009 houbo máis de 17000 traducións en linguas de lugares como Paraguai, Tanzania, Irán, Mali ou Bangladesh.
Fonte: Las Provincias
A Consellería de Educación de Valencia destina en 2010 máis dun millón de euros para a promoción do uso social do valenciano
A Consellería de Educación de Valencia investirá máis dun millón de euros en axudas para promover o uso social do valenciano durante o exercicio de 2010, destinadas a concellos e mancomunidades de municipios, asociacións cívicas sen finalidade lucrativa e empresas, comercios e industrias.
Fonte: Europa Press
Pais da zona non vascófona de Navarra convocan unha manifestación en Pamplona por "unha escolarización en éuscaro"
Un grupo de pais da zona non vascófona convocou unha manifestación para o domingo 28 de marzo en Pamplona, para reivindicar o seu "dereito a escolarizar os nenos en éuscaro" e esixirlle ao Goberno de Navarra "os mesmos dereitos" que os pais da zona vascófona e mixta.
Fonte: Noticias de Navarra
O Tribunal Constitucional avala o uso do asturiano ante a Administración autonómica
O Tribunal Constitucional avala a legalidade do uso do asturiano por parte dos cidadáns na súa relación coa Administración autonómica. Nun auto, a institución pronúnciase nese sentido en relación coa cuestión formulada por un xulgado de Oviedo, que cuestionaba que o artigo da Lei de uso e promoción do asturiano que regula ese aspecto concreto se axustase á Carta Magna.
Fonte: El Comercio Digital
O Concello de Llodio pon en marcha un servizo de coidadores en éuscaro
As familias que desexen contar con coidadores ou profesores particulares que atendan os seus fillos en éuscaro contan desde agora cun novo servizo que puxo en marcha o Concello de Llodio.
Fonte: El Correo
Boletín
Subscríbase ao boletín
