España
A televisión pública do País Vasco e a Real Academia da Lingua Vasca asinan un acordo para o "bo uso" do éuscaro
O ente público Euskal Irrati Telebista (EITB) e a Real Academia da Lingua Vasca-Euskaltzaindia asinaron o seu terceiro acordo marco de colaboración, cuxo obxectivo é garantir o "bo uso" do éuscaro nos medios de comunicación da radio televisión pública.
Fonte: ABC
O vicepresidente da televisión pública da Comunidade Valenciana presenta un recurso por incumprimento do uso do valenciano
O vicepresidente do Consello de Administración de Radiotelevisión Valenciana (RTVV), José Ignacio Pastor, presentou un recurso de alzada polo "incumprimento" do Estatuto de Autonomía no ente, que establece que o valenciano é a lingua oficial.
Fonte: ADN
A Mesa da Comisión de Educación das Cortes de Aragón admite a trámite as 258 emendas á lei de linguas
A Mesa da Comisión de Educación, Cultura e Deporte das Cortes de Aragón cualificou as 258 emendas presentadas polos grupos parlamentarios á proposición de Lei de uso, protección e promoción das linguas propias de Aragón.
Fonte: Europa Press
Unha campaña anima a usar o éuscaro nas redes sociais
A Sociedade de Estudos Vascos-Eusko Ikaskuntza e a firma Kukuxumusu asociáronse para realizar unha campaña que pretende animar ao uso da lingua vasca nas diferentes redes sociais de internet.
Fonte: Diario Vasco
Presentan a primeira web de Navarra con lingua de signos
A Asociación de Persoas Xordas de Navarra (Asorna) presenta a súa páxina web, a primeira da comunidade foral accesible a persoas xordas, oíntes e cegas, un proxecto subvencionado pola Fundación ONCE.
Fonte: Noticias de Navarra
Unha nova ferramenta en liña gratuíta axilizará a tradución entre éuscaro e castelán
A Fundación Elhuyar colocou na rede a ferramenta ItzulTerm, que serve para extraer automaticamente pares de termos equivalentes en éuscaro e castelán dunha memoria de tradución. A nova ferramenta está dirixida a persoas que traballan con memorias de tradución, isto é, tradutores, terminólogos, lingüistas e técnicos de éuscaro, entre outros.
Fonte: El Correo Digital
O conselleiro de Educación anuncia que os concellos disporán dun tradutor automático de textos ao valenciano en 2010
O conselleiro valenciano de Educación, Alejandro Font de Mora, anunciou que os concellos da Comunidade Valenciana disporán desde o vindeiro ano dun tradutor automático para pasar os textos administrativos ao valenciano.
Fonte: Europa Press
Sométese a información pública o Anteproxecto de lei do aranés
No Diario Oficial da Generalitat de Catalunya publicouse o edicto polo que se somete a información pública o Anteproxecto de lei do aranés, que proximamente será sometido á aprobación do Goberno da Generalitat de Catalunya.
Fonte: Generalitat de Catalunya
Varios concellos asturianos conclúen a revisión dos seus topónimos tradicionais
Un total de 40 concellos dos 78 da rexión concluíu xa a revisión dos seus topónimos tradicionais e outros 21 iniciaron este proceso.
Fonte: RTPA
A Deputación de Áraba aproba o primeiro Plan estratéxico do éuscaro para avanzar na normalización desta lingua
A Deputación de Áraba aprobou o primeiro Plan estratéxico do éuscaro 2010-2013 que busca "promover as medidas necesarias para garantir a posibilidade de vivir en éuscaro a quen así o desexe", e desenvolver iniciativas de coordinación e colaboración entre axentes sociais e institucións de ámbito arabés co obxectivo de "avanzar cara á normalización".
Fonte: Europa Press
Boletín
Subscríbase ao boletín
