Galicia
A Xunta achega a 30 localidades de Galicia a proxección do documental 'Xela Arias. Poeta nas marxes'
A Xunta de Galicia dálle continuidade á homenaxe á autora anfitrioa das Letras Galegas 2021 coa iniciativa Xela Arias. Poeta nas marxes, un programa de proxeccións audiovisuais do documental homónimo dirixido por Beatriz Pereira arredor da escritora.
Fonte: O Portal da Lingua Galega
A Xunta abre unha convocatoria de apoio ás librarías para impulsar actividades de promoción do libro e a lectura
As subvencións irán destinadas a accións como presentacións, encontros ou obradoiros realizados nos propios establecementos ou a través de internet. É unha medida enmarcada no Plan de Reactivación Cultura en marcha, que está sendo reforzado este ano con 23M € e destina un 12 % máis á industria editorial.
Fonte: O Portal da Lingua Galega
O IES Ribeira do Louro exhibe na fachada da Xunta en Vigo o mural floral co que homenaxea a Xela Arias
A delegada da Xunta en Vigo, Marta Fernández-Tapias, acompañou ao alumnado do IES de Ribeira do Louro no acto de colocación na Delegación Territorial do mural floral co que o centro educativo porriñés homenaxea o 17 de maio, Día das Letras Galegas, á poetisa Xela Arias.
Fonte: O Portal da Lingua Galega
A Xunta colabora co proxecto 'A lingua de signos' para que a poboación infantil xorda poida gozar dos Bolechas
A Xunta de Galicia e a Federación de Asociacións de Persoas Xordas de Galicia (FAXPG) impulsan o proxecto “Os Bolechas. A lingua de signos”, que fai posible que a poboación infantil xorda poida gozar coas aventuras e as aprendizaxes dos irmáns animados máis coñecidos pola cativada galega.
Fonte: O Portal da Lingua Galega
A Facultade compostelá de Medicina e Odontoloxía publica imaxes de expresións populares en galego coa súa equivalencia técnica
No marco da campaña "Entendo, logo diagnostico. Técnico&popular", publicouse unha serie de dezaoito imaxes nas que se recollen expresións populares en galego sobre síntomas e doenzas cos seus respectivos termos técnicos.
Fonte: Consello da Cultura Galega
O instituto compostelán Xelmírez II, no que impartiu docencia Xela Arias, súmase á homenaxe á anfitrioa das letras
O secretario xeral de Política Lingüística, Valentín García, participou na apertura da xornada lingüística-cultural organizada polo IES Arcebispo Xelmírez II con motivo da celebración do Día das Letras Galegas.
Fonte: O Portal da Lingua Galega
A Asociación PuntoGal pon a disposición da cidadanía 17 guías para usar a rede e as principais ferramentas ofimáticas en galego
Co gallo da celebración o 17 de maio do Día das Letras Galegas e o Día de Internet, a Asociación PuntoGal publicou unha serie de 17 guías para usar a rede e as principais ferramentas ofimáticas en galego.
Fonte: Dominio PuntoGal
A Biblioteca de Galicia afonda nas diferentes facetas de Xela Arias na mostra conmemorativa das Letras Galegas
A través de máis de 50 documentos e seis paneis explicativos, percorre a traxectoria persoal e profesional da autora homenaxeada. Inaugurada polo secretario xeral de Cultura, a exposición poderá visitarse ata finais de agosto.
Fonte: O Portal da Lingua Galega
O Festiletras volve o 17 de maio á aldea do Couto, en Ponteceso, co apoio da Xunta
O representante da Consellería de Cultura pon en valor o traballo da Fundación Eduardo Pondal para manter viva esta cita mesmo durante a pandemia.
Fonte: O Portal da Lingua Galega
O RC Celta súmase á celebración das Letras Galegas cunha serie de accións para dar a coñecer vocabulario futbolístico en galego
Un ano máis, o RC Celta participa activamente na celebración do Día das Letras Galegas a través dunha serie de accións que achegan fútbol e literatura, ademais de darlle visibilidade á lingua dando a coñecer vocabulario en galego vinculado con este deporte.
Fonte: Mundo Deportivo
Boletín
Subscríbase ao boletín
