A Deputación de Pontevedra entregou os premios do concurso "Xoga coas Manciñas" correspondentes aos anos 2021 e 2020 nun acto no que se destacou a necesidade de que a lingua de signos teña presenza no currículo educativo e se apoiou a iniciativa para a recompilación da lingua galega en lingua de signos.

Fonte: Deputación de Pontevedra

Os XII Premios Rosalía de Castro de Lingua, que recoñecen persoas e entidades que traballan no fomento do galego, recaeron no debuxante Xaquín Marín, na Agrupación Astronómica Ío e no Twitter en galego, que recibirán cada un 2100 euros.

Fonte: Deputación da Coruña

Un total de 180 concellos benefícianse das axudas da Xunta de Galicia para as actividades de dinamización da lectura así como para o desenvolvemento do programa Ler conta moito nun total de 220 bibliotecas e axencias de lectura integradas na Rede de Bibliotecas Públicas de Galicia.

Fonte: O Portal da Lingua Galega

O secretario xeral de Política Lingüística, Valentín García, asistiu no Museo do Mar de Galicia ao concerto de presentación de Cantos de terra e sal, o novo proxecto de Carmen Penim.

Fonte: O Portal da Lingua Galega

O conselleiro de Cultura, Educación e Universidade, Román Rodríguez, anunciou que a Xunta de Galicia impulsará máis dun millar de actividades presenciais a través da segunda convocatoria do Fondo de Proxectos Culturais Xacobeo 21-22, o programa da Xunta de Galicia posto en marcha no marco do Plan de Reactivación cultural que na súa segunda edición conta cun orzamento de 3 M€. O obxectivo é apoiar ao tecido cultural e inxectar liquidez nas empresas ao tempo que se configura unha oferta de lecer en galego, ampla, plural e de calidade.

Fonte: O Portal da Lingua Galega

O secretario xeral de Política Lingüística, Valentín García, participou no acto de presentación do libro Agochar a memoria nalgures, no que o escritor e profesor José Julio Fernández Rodríguez reflexiona a través da poesía sobre as dificultades ás que nos enfrontamos as persoas no contexto do s. XXI.

Fonte: O Portal da Lingua Galega

Das 6417 persoas rexistradas para realizar a proba de acceso á avogacía correspondente ao ano 2021 só unha realizou o exame en galego. No que respecta ás outras linguas do estado, escolleu o éuscaro tamén un aspirante e 41, o catalán, mentres que o resto optou polo castelán.

Fonte: Nós Diario

Esta comunidade virtual conta no seu perfil en Spotify con tres listas de música en galego de diferentes estilos musicais: unha con 140 cancións para público infantil, outra con máis de 500 cancións de todos os estilos e unha terceira con máis de 100 panxoliñas de Nadal.

Fonte: Consello da Cultura Galega

O Consello Económico e Social de Galicia aprobou unha declaración institucional de apoio ao emprego do galego en todos os ámbitos da vida social e económica e pide maior contido legal e formal ao dereito da poboación a usar esta lingua nas relacións coas empresas.

Fonte: Galicia Confidencial

A Xunta de Galicia convoca 10 prazas de profesorado-lector de lingua, literatura e cultura galegas no exterior. O Diario Oficial de Galicia vén de publicar a convocatoria pública de prazas nos lectorados de lingua, literatura e cultura galegas para o 2021 en centros universitarios de España, Italia, Francia, Brasil, Croacia, Alemaña e Reino Unido.

Fonte: O Portal da Lingua Galega