O secretario xeral de Política Lingüística, Valentín García, participou no acto de inauguración da exposición “Carvalho Calero. Mostra Bibliográfica”, que se celebrou na sede de Afundación.

Fonte: O Portal da Lingua Galega

O Pleno da Real Academia Galega acordou renderlle homenaxe o ano que vén a Florencio Delgado Gurriarán, cuxo labor literario e activismo político e cultural constitúen un dos capítulos máis destacados das letras galegas da diáspora.

Fonte: Real Academia Galega

O concurso de relato oral "Tíralle da lingua", dirixido ao alumnado e ao profesorado dos distintos niveis educativos, ten como obxectivo promover e normalizar o uso oral do galego. Os participantes poderán contar nesta lingua historias de base popular, de base literaria ou de creación propia.

Fonte: Consello da Cultura Galega

O secretario xeral de Política Lingüística, Valentín García, acompañou a profesora, investigadora e escritora Beatriz G. Turnes no acto de presentación do libro Esta noite hei de ir a verte, a terceira novela destinada ao público xuvenil que dá ao prelo a autora compostelá baixo o selo Costa Oeste da Editorial Galaxia.

Fonte: O Portal da Lingua Galega

O Pazo de San Roque acolleu a entrega de premios da X edición de Lingua de Namorar, o concurso en liña de mensaxes de amor que busca dinamizar o uso da lingua galega entre a mocidade nas súas relacións persoais e nas tecnoloxías da información e da comunicación.

Fonte: O Portal da Lingua Galega

O vídeo vencedor da novena edición do certame ‘Explícoche matemáticas 2.0’, que organiza a Universidade de Santiago, foi titulado A primeira programadora, dedicado á figura da matemática Ada Lovelace. Esta iniciativa ten como obxectivo fomentar o uso do galego como medio de transmisión das matemáticas e estimular a creatividade do alumnado cos medios audiovisuais.

Fonte: Universidade de Santiago de Compostela

O Concello de Vigo organiza unha nova edición do programa “No verán... un conto”, unha iniciativa dirixida ao público infantil e familiar para fomentar o uso do galego no ámbito do lecer.

Fonte: O Portal da Lingua Galega

O conselleiro de Cultura, Educación e Universidade, Román Rodríguez, e a directora de Relacións Externas de Fundación Repsol, Pilar Núñez, asinaron o convenio para formalizar a convocatoria da décimo quinta edición do Premio Narrativa Breve Repsol. Durante o acto estiveron acompañados polo secretario xeral de Política Lingüística, Valentín García, e pola directora do Complexo Industrial de Repsol na Coruña, Natalia Barreiro.

Fonte: O Portal da Lingua Galega

Esta resolución administrativa contén a relación de proxectos seleccionados con carácter definitivo (que eran provisionais na primeira resolución publicada); a relación de proxectos (da primeira resolución) que causan baixa definitiva; o requirimento colectivo ás persoas titulares da lista da agarda con puntuación suficiente para cubrir as baixas definitivas; a corrección de erros de datos identificativos; e a lista de agarda actualizada.

As persoas titulares de proxectos admitidos con carácter provisional do anexo III teñen de data límite ata o luns 5/07/2021 para acreditar documentalmente que teñen persoal contratado para a execución do contrato.

Fonte: O Portal da Lingua Galega

A Deputación de Pontevedra colaborará coa Organización de Diversidade Sensorial de Galiza ‘Xoga' para realizar un traballo de investigación para recoñecer a lingua de signos galega como forma de comunicación oficial.

Fonte: Deputación de Pontevedra