Sentidiño converteuse na Palabra do Ano 2019 logo da votación impulsada polo Portal das Palabras na que resultou ser o termo máis votado polas persoas que participaron nesta iniciativa. En total acadou o 51 % dos votos emitidos, mentres que a que se situou en segundo lugar, feminicidio, conseguiu case o 20 %.

Fonte: Real Academia Galega

A obra Extraordinario, escrita por Antón Lopo e publicada pola editorial Galaxia, converteuse na primeira novela en galego en entrar nas obras recomendadas polo prestixioso PEN dos Estados Unidos de América.

Fonte: Sermos Galiza

O secretario Xeral de Política Lingüística, Valentín García, e o escritor Alfredo Conde presentaron en Vigo a novela Homes de Ferro, unha obra que conta co apoio da Xunta de Galicia a través de "O teu Xacobeo".

Fonte: O Portal da Lingua Galega

O guionista e realizador ferrolán Rubén Coca gañou a primeira edición do Premio de Guión para longametraxes pola súa obra Detrás da luz. Este certame, organizado pola Asociación de Guionistas de Galicia (AGAG), ten como obxectivos mellorar a presenza da lingua galega no audiovisual, promover autores que escriben en galego e contribuír a difundir o traballo dos membros da AGAG.

Fonte: Cultura Galega

O secretario xeral de Política Lingüística, Valentín García, participou no acto de entrega de premios do XVI Certame Contos de Nadal de La Voz de Carballo.

Fonte: O Portal da Lingua Galega

O secretario xeral de Política Lingüística, Valentín García, e o delegado territorial da Xunta en Lugo, José Manuel Balseiro, participaron no acto de entrega do Premio Otero Pedrayo 2019 ex-aequo ao escritor Paco Martín e ao historiador Ramón Villares.

Fonte: O Portal da Lingua Galega

A sentenza do Tribunal Supremo obrigaba a realizar cambios na ordenanza sobre o uso do galego de Lugo, despois de desestimar o recurso de casación presentado  polo Concello.

Fonte: La Voz de Galicia

A empresa TICgal lanza en galego Gapp, unha ferramenta indicada para facer seguimento de incidencias TIC. Ata o momento está dispoñible tamén en inglés e castelán, pero xa están case completas as versións en francés, italiano, ruso e portugués.

Fonte: Código Cero

Este manual, Na universidade onde queiras pero coa lingua, contén recomendacións e solucións a dúbidas frecuentes sobre o uso do galego e recolle aspectos non tratados en dous volumes anteriores publicados en 2013 e 2015.

Fonte: Universidade de Vigo

O secretario xeral de Política Lingüística, Valentín García, participou na rolda de prensa de presentación das novelas finalistas da XV edición do Premio de Novela Europea Camiño de Santiago.

Fonte: O Portal da Lingua Galega