Galicia
Feijóo convida a oposición a participar no proxecto para dinamizar o galego no ámbito social e económico
O presidente da Xunta, Alberto Núñez Feijóo, convidou no Pleno da Cámara galega a oposición a participar no proxecto para dinamizar o galego no ámbito social e económico.
Fonte: Xunta de Galicia
A Universidade de Santiago de Compostela premia as empresas innovadoras que fomenten a lingua galega
Por primeira vez o XV Concurso de Proxectos Empresariais Innovadores inclúe unha categoría de promoción da lingua galega.
Fonte: Consello da Cultura Galega
A Mancomunidade de Ordes presenta a campaña “O galego vende"
O Servizo de Normalización Lingüística da Mancomunidade de Ordes lanza esta campaña de dinamización que ten como obxectivo fomentar o uso do galego no ámbito do comercio.
Fonte: Mancomunidade de Ordes
Premian o Colexio de Xornalistas e a Asociación de Medios en Lingua Galega polo seu labor en defensa do galego
A Asociación de Escritores en Lingua Galega (AELG) é a responsable da concesión do Premio AELG 2015 'Institucións' pola defensa do galego levada a cabo polo Colexio de Xornalistas de Galicia e pola Asociación de Medios en Galego.
Fonte: Europa Press
A Deputación da Coruña resolve a convocatoria de subvencións para os servizos locais de normalización lingüística
No Boletín Oficial da Provincia aparece a resolución das axudas a concellos e entidades locais para a creación ou mantemento dos servizos lingüísticos durante o ano 2015.
Fonte: Consello da Cultura Galega
O Concello de Vigo organiza unha actividade formativa de galego coa auga salgada como fío condutor
O curso "Chegou o mar á ribeira" mostrará o vocabulario, a toponimia ou as expresións relacionados coa auga salgada.
Fonte: Concello de Vigo
A Consellería de Cultura e Educación colabora coa 1ª Semana Cultural Convergências Portugal/Galiza, que se celebrará en Braga
A Consellería de Cultura, Educación e Ordenación Universitaria colabora, por medio da Secretaría Xeral de Política Lingüística co Grupo Canto D’Aqui, co Municipio de Braga e mais coa Junta de Frêguesia de S. Vicente na 1ª Semana Cultural Convergências Portugal-Galiza, que se celebrará na cidade portuguesa de Braga, coincidindo co 178º aniversario do nacemento de Rosalía de Castro.
Fonte: Xunta de Galicia
Melide inicia unha campaña de fomento do galego entre a xente nova que acode á movida nocturna da localidade
Esta campaña de dinamización lingüística, que ten como lema "Seduce en galego. Goza de Melide", está dirixida á xente nova que os sábados se despraza á localidade para gozar da súa movida nocturna.
Fonte: La Voz de Galicia
A Secretaría Xeral de Política Lingüística conmemora o Día Internacional da Lingua Materna
O conselleiro de Cultura, Educación e Ordenación Universitaria, Román Rodríguez, participou en Ribeira no acto conmemorativo do Día Internacional da Lingua Materna 2015, que organizou a Secretaría Xeral de Política Lingüística en colaboración co concello barbancés, e no que tamén estivo o rexedor municipal, Manuel Ruíz Rivas.
Fonte: Xunta de Galicia
O Concello de Santiago pon en marcha "O conto viaxeiro", unha iniciativa para fomentar o uso do galego entre os cativos
A iniciativa consiste na creación dun conto colectivo no que participa o alumnado de 1º, 2º, 3º e 4º de primaria dos centros educativos de Santiago.
Boletín
Subscríbase ao boletín
