Mocidade

A Xunta colabora cos Bolechas nunha guía que visibiliza a realidade das familias monoparentais entre a cativada

O secretario xeral de Política Lingüística, Valentín García, participou no CEIP de Vite na presentación do novo libro dos Bolechas, a guía Familias monoparentais, impulsada pola Asociación de Familias Monomarentais de Galicia (FAGAMOS) e editado por Bolanda co apoio da Xunta de Galicia.

Fonte: O Portal da Lingua Galega

A Xunta conmemora o 90 aniversario da radio en Galicia coa convocatoria dos premios de podcast Xosé Mosquera ‘O vello dos contos’

A Xunta conmemora o 90 aniversario da radio en Galicia colaborando un ano máis cos Premios de podcast en galego e portugués Xosé Mosquera Pérez, "O vello dos contos", convocados en colaboración co Instituto Rosalía de Castro e Arraianos Producións.

Fonte: O Portal da Lingua Galega

Ames acolle a gala do certame Galetiktokers na que se premiaron as mellores pezas audiovisuais en galego presentadas

O IV Certame Galetiktokers, organizado polo Concello de Ames, premiou seis vídeos, dos 51 presentados a esta edición, en dúas categorías: 13-16 anos e máis de 17. O obxectivo desta iniciativa é fomentar a creación de audiovisuais en galego e darlle visibilidade á comunidade galega de tiktokers.

Fonte: Concello de Ames

Igaciencia organiza unha serie de videoconferencias para conmemorar o XIV Día da Ciencia en Galego

O XIV Día da Ciencia en Galego, cuxo lema deste ano é “Saúde para todos”, renderáselles homenaxe a Alexander Fleming e mais a Domingo García-Sabell. Así mesmo, ao longo de todo o mes de novembro impartirase unha serie de videoconferencias didácticas dirixidas a centros de ensino galegos.

Fonte: Consello da Cultura Galega

A Xunta de Galicia convoca o concurso para a exposición sobre Luísa Villalta, autora homenaxeada nas Letras Galegas 2024

O concurso para elaborar a exposición sobre Luísa Villata, a autora homenaxeada o Día das Letras Galegas 2024, está dirixido aos centros de ensino público non universitario e conta con dúas categorías, unha de educación infantil e primaria e outra para os restantes niveis educativos. 

Fonte: Consello da Cultura Galega

Celébrase unha nova edición do CeibaRimas, un encontro de improvisación oral en galego

Big Meu foi o gañador da edición de 2023 do CeibaRimas, celebrada en Santiago de Compostela e que congregou a máis de 250 persoas.

Fonte: Galicia Confidencial

O Concello da Coruña organiza unha nova edición do programa de dinamización lingüística «Falamos secundaria»

«Falamos secundaria» é un programa de dinamización lingüística dirixido aos centros de secundaria públicos municipais e ten como principais obxectivos crear espazos de uso para o galego e promover actitudes favorables cara a esta lingua.

Fonte: Consello da Cultura Galega

Convócase unha nova edición do Concurso de relato oral Tíralle da Lingua

Este certame, impulsado pola Asociación Socio-Pedagóxica Galega, ten como obxectivo normalizar o uso oral do galego e contribuír a que se converta en instrumento de comunicación e creación de historias no ámbito educativo.

Fonte: Consello da Cultura Galega

Ferrol acolle o acto de presentación do colectivo Brincarmos, cuxo obxectivo é promover o uso do galego na infancia

No acto de presentación do colectivo Brincarmos, que nace coa intención de favorecer o uso do galego na infancia, celebrarase o primeiro Día da Crianza Galegofalante e haberá un programa de actividades para as familias.

Fonte: Culturagalega.org

O Concello da Coruña organiza un espectáculo de maxia para fomentar o uso do galego no ámbito escolar

No marco do proxecto Falamos primaria, o espectáculo «Mil maxias máis», dirixido ao alumnado de primaria dos centros coruñeses, ten como obxectivos galeguizar o sistema educativo, crear espazos de uso para o galego na escola e fomentar o seu uso a través do xogo.

Fonte: Consello da Cultura Galega

Boletín

Subscríbase ao boletín

Logo Feder