O partido político Andecha Astur denunciou que Noreña é un dos poucos concellos asturianos que non presentou ningún proxecto a subvención para a normalización da lingua asturiana, algo que a xuízo dos asturianistas «deixa claro a falta dunha política cultural neste sentido».

Fonte: La Nueva España

«Resulta imprescindible que todos os cidadáns poidan expresarse en éuscaro e castelán para alcanzar unha convivencia plena». Esta é a mensaxe lanzada polo presidente de Kontseilua -o Consello de organismos sociais da lingua vasca-, Koldo Tellitu, con motivo do décimo aniversario da entidade, que incluirá a celebración dun acto festivo o próximo 13 de decembro no BEC de Barakaldo.

Fonte: El Correo Digital

A Llei d'Ús i Ensenyament del Valencià (LUEV), aprobada en 1983, establecía que a Generalitat Valenciana debía garantir o uso normal e oficial na Administración das dúas linguas oficiais. Con todo, só se esixe un determinado grao de coñecemento do valenciano a 193 dos 15.669 empregados públicos, o 1,2 % do total. Ademais, a maior parte das persoas con requisito lingüístico, ata 77, concéntrase na Consellería de Educación. E unha decena de departamentos, incluíndo Turismo, non reclama o dominio da lingua a un só dos seus funcionarios.

Fonte: El País

Dende este verán, o buscador líder da internet, Google, está, dalgún xeito, a discriminar nos seus resultados as páxinas escritas en galego. Isto acontece na súa versión para o Estado español, que aparece por defecto ao se conectar dende calquera computador da rede dentro do seu eido territorial.

Fonte: Vieiros

Un total de 273 empresas, entre comercios, bares e restaurantes, acolleuse ás subvencións que o Consell de Mallorca reparte co obxectivo de incrementar o uso da lingua catalá no ámbito empresarial. As 273 empresas recibiron unha dotación económica para editar en catalán diferentes conceptos.

Fonte: Diario de Mallorca

O Instituto Navarro del Vascuence inicia unha campaña de información dirixida ás entidades locais para dar a coñecer que procedemento seguir, en caso de que estean interesadas, para aprobar de maneira oficial a denominación en éuscaro.

Fonte: XornalGalicia.com

O Concello de Xàbia, a través da Unidade de Residentes Europeos da Deputación de Alacante, organizou un curso gratuíto de castelán para axudar a ese colectivo a aprender o idioma e promover así a integración dos residentes comunitarios.

Fonte: Las Provincias

A presidenta do Tribunal Superior de Xustiza de Cataluña, Maria Eugènia Alegret, considera que a Carta Europea das Linguas Rexionais ou Minoritarias (con rango de lei no Estado) non é garantía legal suficiente que ampare o uso normalizado do catalán no ámbito da Administración de Xustiza, e reclama unha reforma legal para "recoñecer este dereito de forma definitiva".

Fonte: Avui

O efecto bolboreta pode aparecer nas aulas murcianas por unha "falta de previsión" da Consellería de Educación, segundo o sindicato de profesores ANPE. A implantación de inglés e francés en todos os cursos de primaria e secundaria "e a falta de previsión da Consellería provocou que non haxa suficientes profesores interinos de inglés, francés e audición e linguaxe para cubrir as necesidades dos centros educativos", segundo fontes do sindicato de ensino.

Fonte: La Verdad

O conselleiro de Educación da Generalitat de Valencia, Alejandro Font de Mora, afirmou que a nova versión de LliureX impulsada polo seu departamento porá a disposición do profesorado do sistema educativo os laboratorios de idiomas, unha nova ferramenta pedagóxica que permitirá mellorar o coñecemento de idiomas e que se enmarca no esforzo por potenciar o plurilingüismo e o impulso da aprendizaxe do inglés.

Fonte: XornalGalicia.com