O Departamento de Educación preséntalles en San Sebastián aos axentes educativos (sindicatos, patronais e asociacións de pais) o proxecto de lei que elaborou sobre a reforma do actual sistema de modelos lingüísticos con algunhas novidades con relación ao anteproxecto orixinal, que se puxo en circulación en setembro pasado.

Fonte: El País

Un total de 17 parellas lingüísticas comezou, no Casino Liberal de Algemesí, o programa Voluntariat pel Valencià, no que se darán cita os voluntarios e os aprendices para realizar as primeiras parellas lingüísticas. Deste xeito, darase inicio ás primeiras actividades de aprendizaxe e dominio do valenciano.

Fonte: Las Provincias

A Consellería de Xustiza da Generalitat de Catalunya publicou recentemento o Código Penal español en lingua catalá, dentro da súa intención de difundir os principais textos legais do Estado en catalán. Segundo informou a Consellería, a tradución do texto fixérona os servizos lingüísticos do departamento.

Fonte: Europa Press

Os gobernos vasco e galego compartirán un espazo común na feira Expolingua de Berlín, que se desenvolverá entre o venres 14 e o vindeiro domingo 16 de novembro co fin de dar a coñecer a situación de 60 idiomas.

Fonte: El País

O consistorio de Fraga non acepta documento administrativo ningún redactado exclusivamente en catalán. Sen ir máis lonxe, o Institut d'Estudis do Baix Cinca (IEBC) quedou sen subvencións este ano porque presentou a solicitude unicamente en lingua catalá. Esta entidade espera agora que a legalidade a ampare para poder dirixirse ao concello de Fraga na lingua vehicular da maioría de cidadáns da localidade.

Fonte: La Mañana

O pleno do Concello de Xixón aprobou de forma definitiva a Ordenanza municipal do uso do asturiano. Unha normativa municipal que declara que o asturiano e o castelán “son linguas propias” do Concello. A norma aprobouse cos votos a favor do PSOE e Izquierda Xunida-BpA-LV e a abstención do Partido Popular.

Fonte: Asturnews

A reforma lingüística proposta foi criticada para algúns por exceso de inmersión lingüística, para outros por defecto, dado que atrasa catro anos máis, de 12 a 16, a longa marcha ata a implantación dun sistema no que o éuscaro sexa a lingua vehicular no ámbito do ensino.

Fonte: Diario Vasco

O Síndic de Greuges, Carlos Morenilla, pediulle ao Concello de Alacante que nas súas mensaxes de publicidade institucional observe o réxime de cooficialidade lingüística instaurado na Comunidade Valenciana, sen que en ningún caso poida prevalecer unha lingua sobre outra.

Fonte: El País

O catalán non será cooficial na Franja de Ponent. O Goberno aragonés prepara unha lei de linguas que rebaixa moito as expectativas do anteproxecto do ano 2001 e que finalmente quedou gardado nun caixón. Aquel primeiro borrador si prevía a cooficialidade do catalán e o aragonés nos territorios onde se falan estas linguas e en convivencia co castelán. Esta última lingua será a única oficial, segundo o borrador que prepara o Goberno de Aragón.

Fonte: Avui

Hai só un ano da publicación da segunda edición do Diccionari de la llengua catalana do Institut d'Estudis Catalans. Esta actualizaba a primeira, de 1995, que á súa vez era unha revisión do Diccionari general de Pompeu Fabra (1932 e 1954). Pero esta secuencia histórica romperá. O Institut d'Estudis Catalans fixouse como proxecto elaborar un dicionario de nova planta, que actualice tanto o modelo de lingua coma a metodoloxía da obra.

Fonte: El Periódico