A Xunta volve apoiar a celebración do festival Abride a fiestra que se celebrará, o vindeiro 13 de xullo, na Casa Museo de Rosalía de Castro, en Padrón, nunha edición que se suma á homenaxe das Letras Galegas deste ano ás cantareiras e á cultura popular galega, “fonte e inspiración indiscutible na creación da nosa escritora máis universal”. Así o salientou o secretario xeral da Lingua, Valentín García, na presentación da programación do certame.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de xullo de 2025
03 de xullo de 2025
A Xunta volve apoiar unha nova edición do certame de teatro Festivalle, que se dedica en exclusiva a obra, figura e legado de Ramón María del Valle-Inclán e que, neste 2025, se suma á celebración do Ano Castelao “para difundir e dar a coñecer a estreita relación persoal e artística entre ambos”. Así o explicou o secretario xeral da Lingua, Valentín García, na presentación da programación, que se desenvolverá, do 8 ao 11 de xullo, na localidade pontevedresa de Vilanova de Arousa.
03 de xullo de 2025
O Diario Oficial de Galicia publicou recentemente a nova convocatoria de subvencións para a produción de audiolibros e de libros en lectura fácil, dúas liñas de axudas ás que se destinan 150.000 euros con carácter plurianual para 2025 e 2026 e que inclúe 70.000€ para este exercicio e 80.000€ para o vindeiro ano 2026.
03 de xullo de 2025
Os concertos do Xacobeo ábrense aos sons urbanos máis actuais co nacemento do Festival Lingua Urbana
Os Concertos do Xacobeo da Xunta de Galicia apostan polos sons máis atractivos e actuais coa presentación dunha nova cita en Santiago de Compostela: o Festival Lingua Urbana, que celebrará a súa primeira edición na Cidade da Cultura a finais deste verán. Así o presentou en rolda de prensa o director de Turismo de Galicia, Xosé Merelles, nun acto no que estivo acompañado pola directora xeral de Xuventude, Lara Meneses.
03 de xullo de 2025
O director xeral de Cultura, Anxo M. Lorenzo, e o delegado territorial da Xunta en Ourense, Manuel Pardo, asistiron á entrega do Premio Trasalba, que este ano rendeu homenaxe á editorial Galaxia. No acto presentouse o libro Crear porvir. 75 anos de Editorial Galaxia, a cargo de Xesús Alonso Montero.
Fonte: O Portal da Lingua Galega
03 de xullo de 2025
O Concello de Calp activou novas canles oficiais en WhatsApp e Telegram para informar a veciñanza e visitantes sobre novidades, avisos e eventos. As persoas interesadas poden subscribirse e escoller entre tres idiomas: castelán, valenciano ou inglés. Esta medida pretende facilitar o acceso á información pública e actuar con axilidade en situacións de urxencia.
02 de xullo de 2025
O Instituto Confucio da Universidade Ricardo Palma abriu en Cusco o seu primeiro centro de ensino de chinés, nun esforzo por afondar os vínculos culturais e educativos entre Perú e China. Con actividades que combinan tradicións asiáticas e andinas, máis de 50 persoas estudan lingua e cultura chinesas nun centro que tamén ofrecerá cursos adaptados ao turismo co obxectivo de reforzar a preparación local para acoller visitantes chineses.
02 de xullo de 2025
No marco do Día da Aceptación Universal, celebrouse en Asunción unha xornada pioneira centrada na inclusión do guaraní no ámbito dixital. A iniciativa, impulsada polo NIC.PY e a ICANN, puxo en valor a necesidade de garantir que os dominios e correos electrónicos funcionen correctamente en calquera lingua. A xornada abordou retos técnicos e culturais para incorporar o guaraní nas plataformas dixitais como acto de inclusión e recoñecemento lingüístico.
02 de xullo de 2025
O Concello de Alacant aprobou unha proposta para deixar de formar parte da zona de predominio lingüístico valenciano, decisión que agora debe ratificar o Parlamento autonómico. A medida xerou forte rexeitamento social e mobilizacións cidadás, ao considerar que supón un retroceso na presenza do valenciano na escola e na vida pública.
02 de xullo de 2025
O proxecto «Receptes per la llengua», impulsado en Canet de Mar, combina gastronomía e aprendizaxe do catalán como ferramenta de integración e cohesión social. A través dun obradoiro de conversa, persoas de diversas orixes culturais compartiron receitas e experiencias, convertendo a cociña nun espazo de encontro e recoñecemento mutuo. O resultado é un receitario multilingüe que celebra a diversidade e pon o catalán como lingua común para convivir e construír comunidade.
Boletín
Subscríbase ao boletín
