Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Mesa do Congreso convocou o concurso para a adxudicación dun contrato, cuxo prezo máximo se fixou en 12,5 millóns de euros ata 2027, de servizos de tradución, interpretación, transcrición e subtitulado en directo ao castelán das intervencións que se realicen en linguas cooficiais na Cámara Baixa.
Fonte: Galicia Confidencial
Ambas as institucións asinaron un convenio cuxa finalidade é dotar de contido a Wikipedia en éuscaro. Así, a Universidade Pública de Navarra fomentará a participación do profesorado, para que colabore co alumnado na produción de textos de calidade nesta lingua, mentres que a asociación prestará apoio técnico e asesoramento.
A Xunta de Galicia e a Fundación Antonio Fraguas Fraguas convocan a XIII edición do Proxecto Didáctico Antonio Fraguas Fraguas, destinado a poñer en valor o patrimonio lingüístico e cultural galegos desde o ensino.
Fonte: O Portal da Lingua Galega
Ambas as institucións continuarán coa súa colaboración coa sinatura dun convenio para ampliar o proxecto ‘Modo galego, actívao!’ aos primeiros niveis da ESO ata o ano 2026, tras os bos resultado obtidos na experiencia piloto deste programa de dinamización lingüística alén das aulas.
O Ministerio de Educación de Kirguizistán anunciou a aprobación dunha lei que obrigará as escolas primarias a impartiren o 50 % do tempo en kirguiz.
Fonte: AKIpress
A feira de innovación e tecnoloxía Campus Party Brasília presentou a Nheengatu App, primeira aplicación dedicada ao ensino dunha lingua indíxena brasileira, o nheengatu.
Fonte: G1
Estes galardóns literarios e artísticos, que recoñecen as mellores obras en nove disciplinas, teñen como obxectivo impulsar o uso e a promoción das linguas propias de Asturias.
O Pleno do Concello de Palma aprobou que o catalán deixe de ser un requisito para traballar no consistorio, unha norma que afectará tanto ao persoal do Concello como ao das empresas municipais.
Fonte: Diari de la Llengua
O ciclo «A lingua galega no cinema», que se desenvolverá nos meses de abril e maio en seis sesións, ten como obxectivo poñer en valor a presenza do galego no sector audiovisual.
Fonte: Universidade de Vigo
Co gallo do Día Mundial da Concienciación sobre o Autismo, a versión en liña do Dicionario da Real Academia Galega incorpora unha modificación na definición deste trastorno do desenvolvemento neurolóxico.
Fonte: Real Academia Galega
Subscríbase ao boletín
