Castela e León
A Universidade de Salamanca crea un programa para potenciar o plurilingüismo entre a comunidade universitaria
A Universidade de Salamanca puxo en marcha unha Mesa de Política Lingüística destinada ao fomento da diversidade lingüística e cultural e á potenciación da aprendizaxe de idiomas por parte da comunidade universitaria.
Fonte: ABC
León acolle o Día da Lingua Leonesa para reivindicar o seu uso
Reivindicar o uso do leonés é o obxectivo do V Día da Lingua Leonesa, unha xornada que se celebrou o pasado 19 de xuño no barrio histórico de León, co fin de festexar o orgullo de ter unha lingua propia na rexión de León.
Fonte: Diario de León
O Instituto Castelán e Leonés da Lingua impulsará a plataforma Micastellano.com
O xerente do Instituto Castelán e Leonés da Lingua e o conselleiro delegado de Lingus TV asinaron un convenio de colaboración para impulsar a plataforma Micastellano.com. A través deste acordo, ambas as institucións comprométense a unir forzas en materia de colaboración e desenvolvemento conxunto dun método audiovisual de aprendizaxe do español a través de creacións audiovisuais emitidas a través de internet.
Fonte: Portal TIC
A Asociación Berciana da Lingua Xarmenta premia os mellores debuxos acerca da "maxia" do galego
A Biblioteca Municipal de Ponferrada vén de acoller a entrega de galardóns dos V Premios Xarmenta de Debuxo, un certame que promove a Asociación Berciana da Lingua “Xarmenta” e que está dirixido ao alumnado de Lingua galega do Bierzo.
Fonte: Xunta de Galicia
Un anteproxecto de lei prevé que o coñecemento de español sexa un dereito e un deber para os inmigrantes en Castela e León
O anteproxecto de Lei de integración dos inmigrantes na sociedade de Castela e León inclúe o coñecemento da lingua española como un dereito e un deber, dado que o idioma constitúe un factor «esencial» de integración.
Fonte: La Razón
Unha asociación berciana pide apoio para o idioma galego
O colectivo berciano Fala Ceibe pretende obter o recoñecemento expreso da lingua galega na reforma da Lei da comarca do Bierzo, que nas próximas semanas aprobará o Consello de Goberno da Junta de Castilla y León.
Fonte: La Región
Máis dunha trintena de colexios de Castela e León contarán con intérprete de lingua de signos
O Consello de Goberno autorizou unha partida de 530.556 euros para a contratación no curso 2010-2011 de 26 intérpretes de lingua de signos, en 35 centros educativos públicos con 62 alumnos con discapacidade auditiva en Castela e León.
Fonte: ABC
Outros 64 centros de Castela e León sumaranse o próximo curso á ensinanza bilingüe
A Junta autorizou a creación doutras 64 novas seccións bilingües en centros docentes de Castela e León para o próximo curso. Estes institutos que impartirán algunhas materias nun idioma estranxeiro elexiron o inglés, seguido do francés e o alemán.
Fonte: ABC
O colectivo cultural Fala Ceibe denuncia os problemas co ensino do galego no Bierzo
O colectivo cultural Fala Ceibe del Bierzo está informando de que continúan os problemas coa implantación do ensino da lingua galega. Neste sentido, están a recibir diversas queixas de membros da comunidade escolar berciana sobre as dificultades que encontran á hora de solicitar a materia de galego nos seus centros educativos.
Fonte: O Bierzo Ceibe
O ensino de español xera un impacto próximo aos 80 millóns de euros en Castela e León
O ensino do español para estranxeiros supón un impacto económico próximo aos 80 millóns de euros en Castela e León, que anualmente recibe a uns 45.000 estudantes foráneos que veñen a aprender o idioma.
Fonte: ABC
Boletín
Subscríbase ao boletín