O colectivo Fala Ceibe do Bierzo propúxolle ao Consello Comarcal darlle un status de cooficialidade á lingua galega, aproveitando que ten aberto o período de alegacións do seu Regulamento, o que supón unha oportunidade para que se recolla un recoñecemento expreso do bilingüismo berciano.

Fonte: Lugo Xornal

A Deputación de Zamora organiza este verán obradoiros hispano-portugueses gratuítos para nenas e nenos de entre 7 e 12 anos cos que se pretende realizar unha aproximación á lingua e á cultura portuguesas a través da literatura, a música ou a gastronomía.

Fonte: Noticias CYL

Dende este enclave leonés consideran que a homenaxe a Fernández Morales polo Día das Letras Galegas do vindeiro ano serviría de apoio á promoción do galego na comarca, ademais de saldar unha débeda con este autor berciano.

Fonte: La Nueva Crónica

O alcalde de Treviño avanzou que aspira a poder incluír a materia de éuscaro no colexio do municipio e avanzar así na normalización desta lingua no enclave, onde xa levan a cabo outras iniciativas para fomentar o seu uso entre a veciñanza.

Fonte: Diario de Burgos

Coincidindo co 325º aniversario do ilustre berciano Frei Martín Sarmiento, o Bierzo celebra o seu Día da Lingua Galega. O secretario xeral de Política Lingüística, Valentín García, participou, a canda 1146 estudantes de galego, na celebración do Día do Galego no Bierzo que tivo lugar nas localidades leonesas de Vilafranca, Cacabelos e Corullón.

Fonte: O Portal da Lingua Galega

Dende hai semanas o colectivo recibe queixas denunciando este feito, polo que se dirixen ás administracións competentes para esixir o cumprimento dos pactos acadados nos estatutos de autonomía referentes á presenza e defensa do galego nos territorios limítrofes con Galicia. 

Fonte: Info Bierzo

O documental 'Al son de la tsingua' recolle a realidade do patsuezu como símbolo identitario e motor da industria cultural da comarca de Laciana, a través do testemuño da veciñanza e de especialistas.

Fonte: León Noticias

Corullón acolleu a entrega do II Premio Morales para a promoción da lingua galega no Bierzo e en Sanabria, grazas ao que se publicarán os textos e as ilustracións galardoados do alumnado que estuda galego no Bierzo e en Lubián.

Fonte: Instituto de Estudios Bercianos

O número de alumnos do Bierzo e Sanabria que estudan galego vén de incrementarse por terceiro ano consecutivo. Concretamente, 34 alumnos incorporáronse no ano académico en curso ao Programa de promoción da lingua galega no Bierzo e en Sanabria.

Fonte: O Portal da Lingua Galega

Hai máis dun ano que Fala Ceibe presentou unha queixa pola inexistencia dunha versión en galego da web do Consello Comarcal do Bierzo, que a día de hoxe segue sen existir, o que incumpre o fixado en materia lingüística no Estatuto de Autonomía de Castela e León.

Fonte: León Noticias