Castela e León
Demandan maior protección para a lingua leonesa
A asociación Nós Terra Maire apoia a protección e a difusión do patrimonio lingüístico e lamenta nun comunicado dirixido aos gobernos central e autonómico o incumprimento da lexislación nesta materia.
Fonte: Zamora 24 Horas
Máis dun milleiro de alumnos estuda galego na comunidade de Castela e León
Máis dun milleiro de alumnos estuda galego en 17 centros educativos de primaria e secundaria do Bierzo, en León, e de Sanabria, en Zamora, ademais da Escola Oficial de Idiomas de Ponferrada, no marco dun programa de colaboración entre as comunidades de Galicia e Castela e León para a promoción desta lingua nos centros de ensino non universitario dos territorios limítrofes.
Fonte: Galicia Confidencial
Os dous concellos que forman o enclave de Treviño desenvolverán un plan para fomentar o éuscaro
Os concellos de La Puebla de Arganzón e de Condado de Treviño aprobaron o Plan estratéxico do éuscaro, un documento co que pretenden impulsar esta lingua no enclave a través de cinco eixes: uso social, novos falantes, educación, administración e xestión.
Fonte: Diario de Burgos
Internet convértese na principal vía de promoción do leonés co lanzamento dun novo dicionario
Nos últimos anos, xurdiron en internet varios dicionarios de lingua leonesa, aos que se vén de sumar o Léxico de Leonés Actual, froito da colaboración entre a Universidade de León e a Real Academia Española. A rede convértese así na principal ferramenta de promoción deste idioma, ante a falta de recoñecemento social e da Administración.
Fonte: iLeón
Unha canle televisiva de León estrea un espazo dedicado á lingua leonesa
A canle La 8 León acaba de estrear El llionés, una llengua viva, un espazo televisivo que consta de once episodios de vinte minutos de duración. Neles trataranse diferentes aspectos relacionados co leonés, como as súas características, espazo xeográfico, historia, variedades, toponimia, tradición oral, música, situación legal…
Fonte: La Fueya Cabreiresa
Piden que o Consello Comarcal do Bierzo teña tamén en conta a lingua leonesa no seu regulamento
UPL-Bierzo presentou unha alegación ao novo regulamento do Consello Comarcal do Bierzo en relación coa defensa do leonés neste territorio, para que se teña en conta a diversidade lingüística da comarca.
Fonte: La Nueva Crónica
Piden que o regulamento orgánico do Consello Comarcal do Bierzo recoñeza o galego
Coalición por El Bierzo solicitoulle ao Consello Comarcal que realice un recoñecemento expreso do bilingüismo berciano e lémbralle a esta institución que xa existe no Estatuto de Autonomía e na Lei da comarca unha mención ao respecto e á protección da lingua galega nos lugares onde se fala.
Fonte: León Noticias
Propóñenlle ao Consello Comarcal do Bierzo un recoñecemento do galego como lingua cooficial
O colectivo Fala Ceibe do Bierzo propúxolle ao Consello Comarcal darlle un status de cooficialidade á lingua galega, aproveitando que ten aberto o período de alegacións do seu Regulamento, o que supón unha oportunidade para que se recolla un recoñecemento expreso do bilingüismo berciano.
Fonte: Lugo Xornal
A Deputación de Zamora organiza un obradoiro de verán para achegarlles a lingua portuguesa aos máis pequenos
A Deputación de Zamora organiza este verán obradoiros hispano-portugueses gratuítos para nenas e nenos de entre 7 e 12 anos cos que se pretende realizar unha aproximación á lingua e á cultura portuguesas a través da literatura, a música ou a gastronomía.
Fonte: Noticias CYL
O Bierzo reclama que o Día das Letras Galegas de 2021 se dedique a Fernández Morales
Dende este enclave leonés consideran que a homenaxe a Fernández Morales polo Día das Letras Galegas do vindeiro ano serviría de apoio á promoción do galego na comarca, ademais de saldar unha débeda con este autor berciano.
Fonte: La Nueva Crónica
Boletín
Subscríbase ao boletín
