Castela e León

O número de alumnos do Bierzo e Sanabria que estudan galego increméntase por terceiro ano consecutivo

O número de alumnos do Bierzo e Sanabria que estudan galego vén de incrementarse por terceiro ano consecutivo. Concretamente, 34 alumnos incorporáronse no ano académico en curso ao Programa de promoción da lingua galega no Bierzo e en Sanabria.

Fonte: O Portal da Lingua Galega

Castela e León

Fala Ceibe denuncia a inexistencia dunha versión en galego da web do Consello Comarcal do Bierzo

Hai máis dun ano que Fala Ceibe presentou unha queixa pola inexistencia dunha versión en galego da web do Consello Comarcal do Bierzo, que a día de hoxe segue sen existir, o que incumpre o fixado en materia lingüística no Estatuto de Autonomía de Castela e León.

Fonte: León Noticias

Castela e León

O poeta vilafranquino Juan Carlos Mestre presenta o seu primeiro libro escrito en lingua galega

O poeta Juan Carlos Mestre presenta en Vilafranca do Bierzo a obra 200 gramos de patacas tristes, o seu primeiro libro escrito en galego, nun acto no que estarán presentes autores como Miguel Anxo Fernán Vello, Anxo Angueira, X. L. Méndez Ferrín ou Alba Cid.

Fonte: León Noticias

Castela e León

Demandan máis protección para a lingua galega nas entidades locais do Bierzo

O colectivo Fala Ceibe reclama o cumprimento da Carta Europea das Linguas Rexionais ou Minoritarias e o Estatuto de Autonomía de Castela e León, que recolle o respecto e a protección para o galego nos lugares onde se utiliza. Demandan, entre outras medidas, que esta lingua se oferte en todos os centros educativos do Bierzo Occidental, así como a súa oficialidade na comarca.

Fonte: Diario de León

Castela e León

Solicítanlle ao Goberno español a posta en marcha de medidas para impulsar o leonés

O senador de Compromís Carles Mulet reclámalle ao Goberno máis recursos para promover a lingua leonesa e unha maior implicación no seu desenvolvemento e difusión, como así se recolle na Carta Europea das Linguas Rexionais ou Minoritarias, ratificada polo Estado español.

Fonte: Ileón

Castela e León

Sobe por segundo ano consecutivo o alumnado que estuda galego no Bierzo e en Sanabria

A comisión de seguimento do Programa de promoción da lingua galega no Bierzo e en Sanabria, asinado polos gobernos galego e castelán leonés no ano 2001, constatou na súa reunión anual de seguimento que sobe por segundo ano consecutivo o alumnado que estuda galego no Bierzo e en Sanabria.

Fonte: O Portal da Lingua Galega

Castela e León

Fala Ceibe denuncia no informe sobre a Carta Europea de Linguas Rexionais e Minoritarias a situación do galego no Bierzo

En relación co cumprimento da Carta Europea de Linguas Rexionais e Minoritarias, o colectivo Fala Ceibe denuncia as carencias do galego no ámbito educativo e a falta de medios para facer efectiva a súa normalización.

Fonte: LugoXornal

Castela e León

Os primeiros premios Morales para a promoción do galego entregáronse no Bierzo

A Pedanía das Médulas, en Carucedo, acolleu a entrega dos I Premios Morales para a Promoción da Lingua Galega no Bierzo. Tras os pasos de Morales: os magostos, convocados no marco do Programa de Promoción da Lingua Galega no Bierzo que coordina desde a Xunta de Galicia a Secretaría Xeral de Política Lingüística.

Fonte: O Portal da Lingua Galega

Castela e León

O sitio web do Consello Comarcal do Bierzo incorporará a lingua galega

O Consello Comarcal do Bierzo vai incorporar o galego ao seu sitio web grazas ao traballo do colectivo cultural Fala Ceibe, que está a enviarlle  léxico nesta lingua ao ente comarcal para facilitarlle o traballo.

Fonte: Galicia Confidencial

Castela e León

A Universidade de Salamanca presenta un portal web sobre o ensino de linguas estranxeiras

En colaboración con outras universidades de fóra do Estado español, a Universidade de Salamanca presentou o portal web multilingüe FOCO co fin de buscar solucións aos problemas identificados no uso das novas tecnoloxías no ensino de linguas.

Fonte: Noticias Cyl

Castela e León

Boletín

Subscríbase ao boletín

Logo Feder