Castela e León

O Valedor do Pobo de Castela e León pide protección para o leonés

O Procurador del Común, o equivalente do Valedor do Pobo en Castela e León, acaba de enviarlle á Administración autonómica unha resolución formal instando a lexislar a protección, uso e promoción da lingua leonesa, tal como establece o actual estatuto de autonomía.

Fonte: Diario de León

Castela e León

Os escolares de Castela e León poderán aprender alemán ao comezar primaria

Os escolares de Castela e León poderán aprender alemán desde o primeiro curso de primaria se se atopan matriculados nun dos centros que ofrece esta lingua como segundo idioma, tal e como establece o protocolo de colaboración subscrito por Juan José Mateos, conselleiro de Educación, e Nikky Keilholz-Rühle, directora do Instituto Goethe en Madrid.

Fonte: Salamanca 24 Horas

Castela e León

León celebra o Día da Lingua Leonesa

A Concellería de Cultura Leonesa celebra o 21 de xuño a cuarta edición do Día da Lingua Leonesa, no que se renderá un homenaxe ao leonés, cunha lectura de poemas e coa entrega de diplomas aos que cursaron esta lingua.

Fonte: Diario de León

Castela e León

Nace a Llionpedia, unha enciclopedia virtual en lingua leonesa

A lingua leonesa conta cunha nova ferramenta para a súa difusión e normalización. Naceu a Llionpedia, enciclopedia virtual en lingua leonesa na que os usuarios deste idioma poden ler, editar e ampliar os artigos relacionados coa cultura universal.

Fonte: Leonoticias

Castela e León

A Junta de Castilla y León ofertará o portugués como segunda lingua no terceiro ciclo de primaria

Para o curso 2009-2010 alumnos de educación primaria en Castela e León poderán elixir o portugués como segunda lingua estranxeira, equiparándoo ao francés ou o alemán.

Fonte: Leonoticias

Castela e León

A Llionpedia, enciclopedia virtual en leonés, supera os 5.000 artigos publicados nun mes

Máis de 5.000 artigos, 16.000 edicións, 36 colaboradores rexistrados e 61.000 visitas son as cifras dos primeiros compases de vida da Llionpedia, o punto de referencia da lingua leonesa en internet.

Fonte: Leonoticias

Castela e León

O sector do turismo rural de Castela e León apunta a necesidade de mellorar a oferta en linguas estranxeiras

Desde hai anos, practicamente coa posta en marcha do portal en internet de turismo rural da Junta de Castilla y León os empresarios do sector apuntaron a necesidade de divulgar con eficacia esta ferramenta. Neste aspecto, o presidente de Acaltur, Javier Herrera, lamenta que as páxinas web de turismo rural da rexión apenas «están en inglés», por non falar doutras linguas.

Fonte: ABC

Castela e León

O colectivo Fala Ceibe demanda que se manteña a recepción da TVG no Bierzo para poder ver a programación en lingua galega

O colectivo Fala Ceibe do Bierzo informa de que a desaparición da televisión analóxica impedirá ver as actuais emisións da Televisión Pública Galega (TVG) no Bierzo. Durante anos os bercianos puideron gozar da programación en lingua galega desta canle, o único medio de comunicación televisivo que os galegofalantes desta zona leonesa podían ver neste idioma, o que serviu para fomentar e prestixiar a lingua.

Fonte: O Bierzo Ceibe

Castela e León

A Junta de Castilla y León destina 524.628 euros para a contratación de 26 intérpretes de lingua de signos

A Junta de Castilla y León aprobou unha partida de 524.628 euros para a contratación do servizo de intérpretes de lingua de signos destinado á atención de alumnado xordo dos centros docentes públicos desta comunidade durante o curso escolar 2009-10.

Fonte: Icalnews

Castela e León

A Junta de Castilla y León cre que o ensino do galego debe recollerse na nova Lei do Bierzo

A Junta de Castilla y León quere implicar o Consello Comarcal a través da articulación na futura Lei do Bierzo de todo o relativo á promoción da lingua galega.

Fonte: InfoBierzo

Castela e León

Boletín

Subscríbase ao boletín

Logo Feder