Castela e León
Estréase un documental sobre a lingua galega no Bierzo
O documental Fálame sempre versa sobre a lingua galega no territorio do Bierzo e está dirixido por Umberto Corral. Trátase dun proxecto colectivo elaborado por un equipo pequeno que se desprazou por varias localidades da zona para coñecer a súa situación lingüística.
Fonte: El Bierzo Digital
Un estudo analiza a situación sociolingüística do enclave burgalés de Treviño
Os concellos de La Puebla de Arganzón e o de Condado de Treviño, xunto á viceconsellería de Política Lingüística do Goberno vasco, están a realizar un estudo sobre a situación e a evolución sociolingüística neste territorio.
Fonte: Noticias de Álava
O Condado de Treviño aspira a que na súa escola pública se poida impartir éuscaro como unha materia máis
Ante o cambio de goberno na Junta de Castela e León, o Condado de Treviño está pendente da actualización do marco de colaboración co País Vasco, no que se regulan aspectos como a educación ou o fomento do éuscaro, pois neste enclave aspiran a se que imparta a lingua vasca como unha materia máis.
Fonte: Cadena SER
Convócase o III Premio Morales para a promoción da lingua galega no Bierzo e en Sanabria/A Seabra
O Premio Morales ten catro categorías: debuxo inspirado no poema ‘A Santísima Virgen da Quinta Angustia’ (para infantil e primaria), peza literaria relacionada coa mesma obra (categorías diferenciadas para alumnado de secundaria e bacharelato ou da Escola Oficial de Idiomas e maiores de idade) e proposta de normalización lingüística centrada no Bierzo (público xeral).
Fonte: Consello da Cultura Galega
O Centro Galicia en Ponferrada convoca unha nova edición do seu certame literario en galego
A VII edición do Certame Literario en Galego terá como temática o Camiño de Santiago e conta con tres categorías: infantil (ata 14 anos), xuvenil (entre 14 e 18 anos) e adulta (a partir de 18).
Fonte: La Nueva Crónica
O Concello de Treviño traballa na elaboración do seu segundo plan de éuscaro
Este segundo plan de éuscaro ten como obxectivo facilitar a aprendizaxe desta lingua entre a veciñanza que o desexe, pero sen facer mención á normalización do éuscaro neste enclave para evitar a impugnación da Junta de Castela e León.
Fonte: Noticias de Álava
O Bierzo celebra o seu día dedicado á lingua galega
Como cada 9 de marzo, o Bierzo celebra o seu día da lingua galega, unha data que coincide co nacemento de frei Martín Sarmiento en 1795, erudito relixioso que dignificou este idioma e defendeu o seu ensino entre a mocidade.
Fonte: Lugo Xornal
Remítenlle unha carta ao Ministerio de Cultura para denunciar a discriminación do leonés
A Asociación Cultural Faceira denuncia que as partidas económicas dos Orzamentos Xerais do Estado destinadas á promoción das linguas protexidas pola Carta Europea das Linguas Rexionais ou Minoritarias discriminan a promoción do leonés e o galego en Castela e León.
Fonte: León Noticias
O Bierzo volve demandar a oficialidade do galego co gallo das eleccións autonómicas
O Colectivo Fala Ceibe do Bierzo, organización que defende o galego en Castela e León, demandou, co gallo das eleccións autonómicas, unha reforma do estatuto da comunidade autónoma que inclúa a oficialidade do galego e a inclusión desta lingua no currículo de todas as escolas do Bierzo occidental.
Fonte: Lugo Xornal
A xustiza anula o Plan do éuscaro do Condado de Treviño
Un xulgado de Burgos anulou o Plan do éuscaro do Condado de Treviño, despois da impugnación da Junta de Castela e León, por considerar que non existe base legal para a súa declaración como lingua oficial desta comunidade ao non aparecer recollida no Estatuto de Autonomía.
Fonte: Diario de Burgos
Boletín
Subscríbase ao boletín
