Cataluña
O emprego do catalán nas sentencias xudiciais en Cataluña supón un 8,4%
O uso do catalán nas sentencias xudiciais de Cataluña sitúase no nivel máis baixo dos últimos dez anos. En 2015 ditáronse un 8,4% das sentenzas nesta lingua.
Fonte: La Vanguardia
A Plataforma pola Lingua demanda que os xuíces en Cataluña saiban catalán
A entidade en defensa do catalán Plataforma pola Lingua pide que se lles esixa saber catalán aos xuíces que exercen en Cataluña.
Fonte: La Vanguardia
Máis da metade dos comercios en Xirona teñen o seu rótulo en catalán
O 59,4 % dos comercios na cidade de Xirona están rotulados en catalán, o que converte esta lingua na máis empregada neste ámbito.
Fonte: Diari de Girona
Preséntase o estudo Ofercat 2015 sobre o emprego do catalán nos establecementos comerciais de Tortosa
A Dirección Xeral de Política Lingüística presenta en Tortosa as principais conclusións do estudo Ofercat 2015. Para a realización deste estudo foron analizados 329 comercios.
Fonte: Generalitat de Cataluña
A Plataforma pola Lingua demanda reciprocidade total dos medios en catalán
A Plataforma pola Lingua pídelles reciprocidade dos medios en catalán ás institucións europeas para que se aplique a lexislación e se defendan os dereitos lingüísticos dos cidadáns.
Fonte: Vila Web
O Barcelona celebra 100 anos do catalán como lingua oficial do club
O 1 de xullo de 1916 redactaron a primeira acta en catalán. Dende ese momento, o catalán converteuse no idioma oficial do club para documentos internos, actas de xuntas, listado de socios, estatutos, etc.
Fonte: El Periódico
Os xulgados de Reus acollen a exposición “O catalán tamén é de lei” que reivindica o emprego da lingua no ámbito xudicial
A exposición “O catalán tamén é de lei” celebrarase nos xulgados de Reus impulsada pola Dirección Xeral de Política Lingüística do Departamento de Cultura de Cataluña, co obxectivo de promover o emprego do catalán no ámbito xudicial.
Fonte: Generalitat de Catalunya
O catalán é a novena lingua de Europa en número de falantes
O Instituto Ramon Llull presentou unha avaliación sobre o estado do estudo do catalán no mundo. Así pois, o catalán está presente en 145 centros universitarios en 28 países de catro continentes e conta con 6 000 estudantes matriculados en primeiro, segundo e terceiro grao. Así mesmo, é a novena lingua por número de falantes en Europa.
Fonte: El Nacional
Preséntase en Cataluña unha base de datos en liña con todas as películas e series dispoñibles en catalán
A Dirección Xeral de Política Lingüística do Departamento de Cultura de Cataluña presentou unha nova base de datos onde se poden consultar todas as películas e series que hai dispoñibles en catalán.
Fonte: Generalitat de Catalunya
O Consello Social da Lingua Catalá aproba o documento de actuacións en materia de política lingüística 2016-2021
O Consello Social da Lingua Catalá aprobou o documento que recolle as propostas de actuacións en materia de política lingüística no período 2016-2021. Este documento axudará as institucións no ámbito da normalización lingüística.
Fonte: Última Hora
Boletín
Subscríbase ao boletín
