Cataluña
A Generalitat de Cataluña pon en marcha unha iniciativa para que as grandes marcas usen máis o catalán
O programa "Emmarca't" busca fomentar o uso do catalán entre as grandes marcas, posto que a maioría delas non conta con páxina web nin atención telefónica nesta lingua.
Fonte: Generalitat de Catalunya
Un concurso premiará fotografías que fomenten os xogos e os xoguetes en catalán
O Consorcio para a Normalización Lingüística (CPNL), no marco do programa "I tu, jugues en català?" organiza un concurso de fotografía para promover os xogos e os xoguetes en catalán.
Fonte: Generalitat de Catalunya
Promoven a definición dos niveis de competencia en lingua de signos catalá
A Dirección Xeral de Política Lingüística de Cataluña está a promover a definición dos niveis de competencia en lingua de signos catalá. Esta iniciativa pertence ao plan de acción pola normalización e fomento desa lingua, incluído na Lei 17/2010 do Parlamento de Cataluña.
Fonte: Generalitat de Cataluña
Dez localidades de Cataluña acollerán uns obradoiros de dobraxe en lingua catalá
A Dirección Xeral de Política Lingüística e o Consorcio pola Normalización Lingüística de Cataluña celebrarán dez obradoiros de dobraxe en lingua catalá, que terán lugar en dez localidades de Cataluña. Os obradoiros están dirixidos aos participantes no programa Voluntariado pola lingua e ao alumnado de catalán do Consorcio pola Normalización Lingüística.
Fonte: Generalitat de Catalunya
Ponse en marcha unha nova edición da xornada de acollida lingüística organizada pola Generalitat de Cataluña
Esta nova edición da xornada de acollida lingüística centrarase nos retos actuais desta iniciativa e servirá para presentar materiais e experiencias de boas prácticas neste campo.
Fonte: Generalitat de Catalunya
A Generalitat de Cataluña publica o informe de política lingüística 2016
A Dirección Xeral de Política Lingüística de Cataluña publicou o Informe de política lingüística 2016, que recolle información sobre os usos e o coñecemento da lingua catalá e de outras linguas de Cataluña, así como sobre o labor do Goberno catalán no eido lingüístico.
Fonte: Generalitat de Catalunya
O TERMCAT participa nun congreso sobre terminoloxía e tradución en Romanía
O TERMCAT participará no Simposio Internacional sobre Terminoloxía e Tradución de Bucarest, que organiza a Universidade da capital romanesa co apoio da Asociación Europea da Terminoloxía e da Axencia Universitaria da Francofonía. En concreto, o TERMCAT intervirá para presentar a súa actividade como centro de terminoloxía.
Fonte: Generalitat de Catalunya
O TERMCAT presenta unha novidosa ferramenta para a autoavaliación de dicionarios terminolóxicos
O TERMCAT presentará, durante o obradoiro internacional "Terminoloxía e dicionarios electrónicos", a ferramenta "TermTest", que está destinada ás persoas e equipos que elaboran dicionarios e que queren autoavaliar a súa calidade.
Fonte: Generalitat de Catalunya
O Departamento de Ensino de Cataluña convoca 136 prazas para profesorado de lingua catalá e literatura
O Departamento de Ensino de Cataluña publicou a convocatoria de 2000 prazas para acceder ao corpo de docentes da Comunidade. Como é habitual, un dos requisitos para presentarse será ter coñecementos de catalán. Destas 2000 prazas, 136 están destinadas a profesorado de lingua catalá e literatura.
Fonte: Generalitat de Catalunya
O Consorcio para a Normalización Lingüística de Cataluña ofrecerá novos cursos de catalán na comunidade
O Consorcio para a Normalización Lingüística de Cataluña organizará unha nova quenda de cursos de lingua catalá en 146 localidades da comunidade. Os cursos permitirán obter certificados de todos os niveis, que serán equivalentes aos oficiais emitidos pola Dirección Xeral de Política Lingüística.
Fonte: Generalitat de Catalunya
Boletín
Subscríbase ao boletín
