Cataluña
Preséntase o InformeCAT 17 con datos sobre a situación do catalán nos territorios onde se fala
O InformeCAT17 ten como obxectivo impulsar o uso social e a concienciación sobre a situación do catalán e a mellora do seu status legal.
Fonte: Plataforma per la Llengua
Convócase unha nova edición do Premio de Ideas para Promover o Uso do Catalán
Este premio, que chega á súa décimo primeira edición, ten como obxectivo o impulso de ideas e proxectos dirixidos a potenciar o emprego da lingua catalá en calquera ámbito.
Fonte: Generalitat de Catalunya
Ponse en marcha o proxecto ÈLIA para innovar e impulsar o ensino do catalán para persoas adultas
ÈLIA (Estratexias de Lingua e Aprendizaxe) é unha iniciativa que busca a introdución de elementos innovadores na oferta formativa de catalán para persoas adultas.
Fuente: Generalitat de Catalunya
A Generalitat de Catalunya subvencionará a tradución ao catalán de obras literarias
Por vez primeira, este 2017 haberá unha nova modalidade de subvencións para a tradución de libros ao catalán, ao incorporarse a posibilidade de obter unha axuda para a tradución de obras literarias.
Fonte: Generalitat de Catalunya
Preséntase Filmin.cat, a primeira plataforma de distribución dixital de cine e series en catalán
Esta nova plataforma ten como obxectivo ofrecer en lingua catalá o mellor cine independente a nivel internacional.
Fonte: Generalitat de Catalunya
Unha liña de axudas subvencionará actividades de fomento do occitano en Cataluña
Publicáronse as bases que regulan as axudas para a realización de actividades que fomenten o coñecemento e o uso do occitano en Cataluña.
Fonte: Generalitat de Cataluña
Solicitan que se retransmitan en catalán os partidos dos equipos de Cataluña de 1ª división
A Plataforma pola Lingua envioulles unha carta aos equipos cataláns de 1ª división de fútbol (FC Barcelona, RCD Español e Xirona FC) onde solicita que lles reclamen aos operadores de televisión que os partidos dispoñan de audio en catalán como "opción por defecto". Do mesmo xeito, tamén piden que esta lingua estea presente nas retransmisións por Internet.
Fonte: ElNacional.cat
Unha nova edición do proxecto Kastanya.cat impulsará o uso do catalán e o occitano por medio da música
A Generalitat e Lleida Televisión organizan unha nova edición do proxecto Kastanya.cat que ten como obxectivo impulsar o uso do occitano e do catalán a través da música e apoiar os grupos musicais que cantan nalgunha destas dúas linguas.
Fonte: Generalitat de Catalunya
A Universidade Pompeu Fabra pon en marcha un novo curso de docencia en lingua de signos catalá
A Universidade Pompeu Fabra presentou un curso formativo de docencia en lingua de signos catalá, que terá lugar durante o curso académico 2017-2018. O curso está dirixido a profesores en activo ou en formación e achegará contidos que afonden en competencias de análise lingüística.
Fonte: Generalitat de Catalunya
O Consorcio para a Normalización Lingüística de Cataluña finaliza o curso con resultados moi positivos
O Consorcio para a Normalización Lingüística de Cataluña finalizou o curso académico con resultados moi positivos, pois ofreceu case 2000 cursos presenciais e contou con máis de 40 000 persoas inscritas tanto na modalidade presencial como en liña. Do mesmo xeito, houbo 4000 parellas lingüísticas.
Fonte: Generalitat de Catalunya
Boletín
Subscríbase ao boletín
