Cataluña
Aumenta o número de entidades de fomento da lingua catalá
O Diario Oficial da Generalitat de Cataluña publicou unha resolución que indica que o Censo de entidades de fomento da lingua catalá creceu un 5% neste ano, chegando á cifra de 198 entidades. En concreto, no 2017 sumáronse 19 novas entidades.
Fonte: Generalitat de Catalunya
A Dirección Xeral de Política Lingüística de Cataluña impulsa un novo recurso para aprender occitano-aranés
A Dirección Xeral de Política Lingüística do Departamento de Cultura comezou o proxecto "Dictadas en linha", un recurso que busca facer máis doada a aprendizaxe do occitano a través de ditados nas modalidades aranesa e referencial.
Fonte: Generalitat de Catalunya
O acordo entre a Deputación de Barcelona e o Departamento de Cultura impulsa o catalán no eido empresarial
A Deputación de Barcelona e o Departamento de Cultura, a través da Dirección Xeral de Política Lingüística, asinaron, en novembro de 2016, un acordo para impulsar o uso do catalán. Este convenio ofreceu 54 cursos de lingua catalá, 16 recursos lingüísticos e a tradución de cinco normas ISO/UNE.
Fonte: Generalitat de Catalunya
O sector da panadería de Barcelona recibirá formación en lingua catalá
O Consorcio pola Normalización Lingüística e o Gremio de Panadeiros da Provincia de Barcelona asinaron un acordo para desenvolver sesións de formación en catalán para os profesionais do sector da panadería.
Fonte: Generalitat de Catalunya
O programa de sensibilización do Voluntariado pola Lingua de Cataluña serve de modelo para o Goberno de Gales
Tras varias reunións con representantes do Consorcio pola Normalización Lingüística de Cataluña para coñecer o programa do Voluntariado pola Lingua, o Goberno de Gales empregará unha estratexia semellante para a planificación do seu programa "Gales 2050: 1 millón de falantes de galés", que busca aumentar o número de falantes deste idioma.
Fonte: Generalitat de Catalunya
A Fundación Didáctica Cataluña reforza a inmersión lingüística durante o verán en Mataró
Ao redor duns setenta alumnos chegados recentemente a dúas escolas de Mataró acoden durante este verán a clases de reforzo de lingua catalá e lingua castelá, grazas á Fundación Didáctica Cataluña. O propósito das clases é facilitar a integración do alumnado e que non esquezan os conceptos aprendidos durante o curso escolar.
Fonte: El Periódico
Unha tese de doutoramento sinala a necesidade de mellorar a ensinanza escrita de catalán para as persoas adultas xordas
Natalia Pérez Aguado defendeu a súa tese de doutoramento "A alfabetización de adultos xordos en Cataluña: estratexias da mestra xorda", que dirixiu a catedrática da Universidade de Barcelona Pilar Fernández Viader. A tese manifesta a necesidade de mellorar a ensinanza escrita do catalán para as persoas adultas xordas, que amosan unha taxa de analfabetismo por riba do 80%.
Fonte: elEconomista.es
O Goberno de Cataluña dedicará o ano 2018 á figura do gramático Pompeu Fabra
O Goberno de Cataluña acordou as conmemoracións oficiais do ano 2018, onde salienta o festexo do 150 aniversario do nacemento de Pompeu Fabra e dos 100 anos da publicación da Gramática catalá normativa. Deste xeito, durante o ano levaranse a cabo varias actividades para recoñecer o labor do gramático.
Fonte: Generalitat de Catalunya
O Consorcio para a Normalización Lingüística de Cataluña ofrece novos cursos para promover o uso do catalán
Durante o mes de setembro de 2017, o Consorcio para a Normalización Lingüística de Cataluña ofrecerá cursos para promover o uso e a aprendizaxe do catalán. Estes cursos abranguerán todos os niveis, desde o inicial ata o superior.
Fonte: Generalitat de Catalunya
O Departamento de Cultura de Cataluña apoia 24 proxectos dixitais en lingua catalá
A Dirección Xeral de Política Lingüística do Departamento de Cultura de Cataluña deu apoio no 2017 a 24 proxectos de empresas que incluíron o catalán nos seus servizos e produtos de tecnoloxía.
Fonte: Generalitat de Catalunya
Boletín
Subscríbase ao boletín
