Cataluña
O TERMCAT participa nun congreso sobre terminoloxía e tradución en Romanía
O TERMCAT participará no Simposio Internacional sobre Terminoloxía e Tradución de Bucarest, que organiza a Universidade da capital romanesa co apoio da Asociación Europea da Terminoloxía e da Axencia Universitaria da Francofonía. En concreto, o TERMCAT intervirá para presentar a súa actividade como centro de terminoloxía.
Fonte: Generalitat de Catalunya
O TERMCAT presenta unha novidosa ferramenta para a autoavaliación de dicionarios terminolóxicos
O TERMCAT presentará, durante o obradoiro internacional "Terminoloxía e dicionarios electrónicos", a ferramenta "TermTest", que está destinada ás persoas e equipos que elaboran dicionarios e que queren autoavaliar a súa calidade.
Fonte: Generalitat de Catalunya
O Departamento de Ensino de Cataluña convoca 136 prazas para profesorado de lingua catalá e literatura
O Departamento de Ensino de Cataluña publicou a convocatoria de 2000 prazas para acceder ao corpo de docentes da Comunidade. Como é habitual, un dos requisitos para presentarse será ter coñecementos de catalán. Destas 2000 prazas, 136 están destinadas a profesorado de lingua catalá e literatura.
Fonte: Generalitat de Catalunya
O Consorcio para a Normalización Lingüística de Cataluña ofrecerá novos cursos de catalán na comunidade
O Consorcio para a Normalización Lingüística de Cataluña organizará unha nova quenda de cursos de lingua catalá en 146 localidades da comunidade. Os cursos permitirán obter certificados de todos os niveis, que serán equivalentes aos oficiais emitidos pola Dirección Xeral de Política Lingüística.
Fonte: Generalitat de Catalunya
O TERMCAT publica un dicionario de termos en catalán relacionados co eido da ciberseguridade
O TERMCAT publicou a "Terminoloxía da ciberseguridade", que elaborou en colaboración co Centro de Seguridade da Información de Cataluña (CESICAT) e con expertos na materia. Este dicionario contén máis de 250 palabras en catalán, con definicións equivalentes en castelán, inglés e francés.
Fonte: Generalitat de Catalunya
Máis do 70 % dos consumidores dixitais de Cataluña usa o catalán para comunicarse a través do teléfono móbil
A Dirección Xeral de Política Lingüística de Cataluña publicou os datos dunha enquisa realizada entre os consumidores cataláns sobre o consumo dixital. Deste xeito, o 73,3 % dos consumidores utiliza a lingua catalá nas aplicacións de mensaxería, mentres que o 72,8 % a emprega nas redes sociais.
Fonte: Generalitat de Catalunya
O Departamento de Cultura de Cataluña convoca uns premios de curtametraxes en lingua catalá e occitana
A Dirección Xeral de Política Lingüística do Departamento de Cultura de Cataluña convocou unha nova edición dos "Premis Llanterna Digital" que buscan impulsar o uso da lingua catalá e occitana mediante a elaboración de curtametraxes sobre a lingua. O prazo para a presentación das obras está aberto ata o 30 de abril de 2018.
Fonte: Generalitat de Catalunya
Publícase un glosario de prevención de riscos laborais e de mutuas en lingua catalá
O Servizo Lingüístico da Unión Xeral de Traballadores editou o "Glosario de mutuas" e o "Glosario básico de prevención de riscos laborais para os delegados e delegadas de prevención". Ambos se basean na colección "A prevención a man" que ofrece diversas ferramentas no eido da saúde laboral.
Fonte: Generalitat de Catalunya
Créase un censo de entidades para impulsar a lingua occitana
A Dirección Xeral de Política Lingüística de Cataluña elaborou o Censo de entidades de fomento da lingua occitana, que ten o propósito de dar visibilidade ao labor das entidades que impulsan este idioma.
Fonte: Generalitat de Catalunya
Edítase un mapa para localizar os lugares onde aprender lingua de signos catalá
A Dirección Xeral de Política Lingüística de Cataluña editou un mapa de localización dos lugares onde aprender a lingua de signos catalá (LSC). Este mapa informa sobre os lugares que ofrecen cursos desta lingua, así como sobre os datos de contacto de cada centro.
Fonte: Generalitat de Catalunya
Boletín
Subscríbase ao boletín
