Cataluña
O Goberno de Cataluña dedicará o ano 2018 á figura do gramático Pompeu Fabra
O Goberno de Cataluña acordou as conmemoracións oficiais do ano 2018, onde salienta o festexo do 150 aniversario do nacemento de Pompeu Fabra e dos 100 anos da publicación da Gramática catalá normativa. Deste xeito, durante o ano levaranse a cabo varias actividades para recoñecer o labor do gramático.
Fonte: Generalitat de Catalunya
O Consorcio para a Normalización Lingüística de Cataluña ofrece novos cursos para promover o uso do catalán
Durante o mes de setembro de 2017, o Consorcio para a Normalización Lingüística de Cataluña ofrecerá cursos para promover o uso e a aprendizaxe do catalán. Estes cursos abranguerán todos os niveis, desde o inicial ata o superior.
Fonte: Generalitat de Catalunya
O Departamento de Cultura de Cataluña apoia 24 proxectos dixitais en lingua catalá
A Dirección Xeral de Política Lingüística do Departamento de Cultura de Cataluña deu apoio no 2017 a 24 proxectos de empresas que incluíron o catalán nos seus servizos e produtos de tecnoloxía.
Fonte: Generalitat de Catalunya
Os libros en catalán xa ocupan unha cuarta parte do mercado en Cataluña
Segundo datos da Asociación de Editores en Lingua Catalá, o mercado do libro en catalán acadou unha cota de mercado do 25,4 % nas librarías de Cataluña, sen ter en conta o libro de texto escolar.
Fonte: El Periódico
Convócanse as axudas Interlingua para fomentar as linguas no ámbito universitario de Cataluña
A Dirección Xeral de Universidades do Departamento de Empresa e Coñecemento, xunto coa Dirección Xeral de Política Lingüística de Cataluña, convocou as axudas Interlingua para fomentar o uso das linguas no eido universitario, especialmente do catalán, do occitano e da lingua de signos catalá.
Fonte: Generalitat de Catalunya
Ábrese o prazo de inscrición para o curso de lingua de signos catalá para docentes
A Universidade Pompeu Fabra comeza o novo curso de lingua de signos catalá para docentes do ano académico 2017-2018, que terá lugar na Facultade de Tradución e Ciencias da Linguaxe. As persoas interesadas aínda poden inscribirse.
Fonte: Generalitat de Catalunya
Estréase o primeiro dicionario sonoro de catalán oral
O Dicionario de dúbidas do catalán oral é o primeiro dicionario sonoro destas características, unha ferramenta que inclúe indicacións de pronunciación dos diferentes acentos do catalán, como o mallorquino ou o valenciano.
Fonte: Generalitat de Catalunya
Comeza a emisión duns programas televisivos para promover o catalán e o occitano mediante a música
Xa comezou a emisión dos programas televisivos do proxecto Kastanya.cat, que busca impulsar o uso do catalán e o occitano a través da música. Os programas pódense ver en Lleida TV e na páxina web desta canle.
Fonte: Generalitat de Catalunya
A Dirección Xeral de Política Lingüística de Cataluña explica o seu modelo lingüístico nunha conferencia en Córsega
O Goberno de Córsega convidou a Dirección Xeral de Política Lingüística de Cataluña a participar nas conferencias Linguimondi, onde os responsables do goberno da illa quixeron coñecer a estrutura institucional e o desenvolvemento educativo e social da lingua catalá.
Fonte: Generalitat de Catalunya
Publícanse máis de 250 novas palabras en catalán no Diario Oficial da Generalitat de Cataluña
Veñen de publicarse no Diario Oficial da Generalitat de Cataluña 260 novas palabras en lingua catalá, normalizadas polo Consello Supervisor do TERMCAT no terceiro cuadrimestre de 2016 e no primeiro de 2017.
Fonte: Generalitat de Catalunya
Boletín
Subscríbase ao boletín
