Cataluña
Aumenta máis dun 25% a porcentaxe de libros editados en lingua catalá dende o ano 2013
A evolución do mercado dos libros dende o ano 2013 en España mostra que existe unha progresiva recuperación no número de libros editados, cun aumento de ata un 27% no caso dos escritos en lingua catalá.
Fonte: La Vanguardia
Lanzan unha nova campaña en Cataluña para fomentar o uso social do catalán
A organización Plataforma pola Lingua puxo en marcha a campaña 'El català, llengua comuna' para defender o uso da lingua catalá como un elemento de cohesión social. A iniciativa contará coa colaboración de numerosas figuras representativas do ámbito político, cultural e dos medios de comunicación.
Fonte: Gen Cat
Unha nova iniciativa de voluntariado difundirá as publicacións escritas en catalán
Un grupo de persoas voluntarias acaba de poñer en marcha o proxecto elseullibre, unha iniciativa que pretender servir de canle de difusión de novas publicacións en catalán.
Fonte: Generalitat de Catalunya
Actualízase o dicionario terminolóxico da ciberseguridade en lingua catalá
O Centro de Terminoloxía de Cataluña (TERMCAT) publicou a segunda edición do dicionario de terminoloxía da ciberseguridade coa colaboración do Centro de Seguridade da Información de Cataluña (CESICAT) e de expertos do ámbito. A obra contén agora máis de 260 termos en catalán.
Fonte: Gencat
Nace unha nova web sobre música en catalán
A enciclopedia de música catalá Viasona estreou unha nova páxina web coa que queren dar unha visión global do sector da música en catalán. O novo espazo incorpora unha sección de actualidade e mellora o acceso á enciclopedia xa existente.
Fonte: El Nacional
Segundo un estudo, o 68% das notarías de Cataluña non ofrece redactar escrituras en catalán
O estudo realizado pola Plataforma pola Lingua destacou que tan só o 32% das notarías de Cataluña ofrécelles aos seus clientes escoller o catalán para a redacción de escrituras. Isto contrasta co dato de que o 51,1% da clientela afirmou falar catalán na súa vida cotiá.
Fonte: La Vanguardia
O aranés recibe un incremento de 15 000 euros nas subvencións para súa promoción
A Dirección Xeral de Política Lingüística do Departamento de Cultura achegará 60 000 euros para a promoción e o coñecemento do aranés.
Fonte: Gencat
Política Lingüística lanza unha nova liña de axudas para impulsar a lingua de signos catalá
Esta nova liña de axudas convocada pola Dirección Xeral de Política Lingüística está dirixida a proxectos de fomento e difusión da lingua de signos catalá e conta cunha dotación económica de 40 000 euros.
Fonte: Generalitat de Catalunya
Apple non utilizará no asistente virtual Siri o idioma catalán
Os usuarios de Apple critican a compañía polo feito de que non quere incorporar no asistente virtual Siri o idioma catalán, despois de que así llo solicitase a Plataforma per la Llengua.
Fonte: Mundiario
Danse a coñecer os gañadores do concurso de creación de xogos en catalán
A cuarta edición do Concurso Tísner de Creación de Xogos en Catalán xa ten gañadores. Trátase dun certame que pretende impulsar a implicación de docentes e alumnado na creación e desenvolvemento de xogos inéditos que fomenten o interese por esta lingua.
Fonte: Generalitat de Catalunya
Boletín
Subscríbase ao boletín
