Cataluña
A Generalitat e o Goberno de Andorra colaboran na publicación do Dicionario de relacións internacionais
O Termcat (Centro de Terminoloxía da Lingua Catalá) elaborou o Dicionario de relacións internacionais, que inclúe 1328 termos en catalán acompañados dunha definición, así como da súa correspondente tradución ao castelán, ao francés e ao inglés.
Fonte: La Vanguardia
Convócase en Cataluña o premio Peme á Calidade Lingüística no mundo empresarial
Pimec, co apoio do Departamento de Cultura de Cataluña, convoca o premio Peme à Calidade Lingüística co obxectivo de fomentar o uso do catalán no sector empresarial, un recoñecemento no que poden participar pequenas e medianas empresas de calquera ámbito económico.
Fonte: La Vanguardia
A plataforma Twitch xa permite etiquetar os vídeos en catalán
Grazas á proposta impulsada por un activista defensor do catalán no ámbito dos videoxogos e os audiovisuais en liña, Twitch, a principal plataforma de transmisión en streaming, xa permite etiquetar os vídeos nesta lingua.
Fonte: Generalitat de Catalunya
A Generalitat de Cataluña convoca subvencións para a promoción da lingua de signos catalá
O prazo para solicitar as axudas destinadas ao fomento e á difusión da lingua de signos catalá, que contan cunha dotación económica de 45 000 euros, estará aberto ata o 28 de marzo, e a elas poden optar entidades privadas sen ánimo de lucro e persoas físicas.
Fonte: Generalitat de Cataluña
O Goberno catalán promoverá a lingua aranesa en varios ámbitos
O Goberno catalán fomentará a lingua e a cultura aranesas en diferentes ámbitos, de maneira que esta lingua irá incorporándose progresivamente ás webs institucionais, así como aos trámites e aos servizos ofrecidos por estas. Así mesmo, incrementarase a súa presenza no ámbito sanitario ou na oferta educativa de Cataluña.
Fonte: La Vanguardia
Increméntase en Cataluña o número de persoas que utiliza o catalán nos contornos dixitais
A enquisa sobre o uso das TIC nos fogares do ano 2017, realizada polo Instituto de Estatística de Cataluña (Idescat), mostra un incremento no emprego do catalán en chats e foros dixitais con respecto aos datos de 2013.
Fonte: Generalitat de Cataluña
A Generalitat de Cataluña impulsou a tradución de 154 obras ao catalán no ano 2018
O Departamento de Cultura impulsou durante o ano 2018 a tradución ao catalán de 154 obras literarias e non literarias co obxectivo de incrementar a oferta de libros nesta lingua, mediante subvencións que outorga no marco do Plan de lectura 2020.
Fonte: Generalitat de Cataluña
O centro de terminoloxía catalá Termcat incorpora máis de 9000 neoloxismos polo seu vixésimo aniversario
Co gallo da celebración do seu vixésimo aniversario, o Termcat incorporou á súa listaxe de termos normalizados 9144 neoloxismos en catalán, acompañados dunha definición terminolóxica e das súas equivalencias noutras linguas.
Fonte: La Vanguardia
A Generalitat de Cataluña impulsa o cine en catalán con dúas liñas de axudas
A través de dúas liñas de subvencións o Departamento de Cultura impulsa a presenza do catalán na dobraxe e a subtitulación de produtos audiovisuais. En concreto, no ano 2018 grazas a este apoio dobráronse 110 longametraxes e subtituláronse outras 469, así como 380 capítulos de 43 tempadas de series.
Fonte: Generalitat de Catalunya
O Consello Social da Lingua Catalá daralle prioridade ao impulso do coñecemento do catalán
O Palau da Generalitat acolleu a reunión do pleno do Consello Social da Lingua Catalá na que se abordaron temas como a importancia do acceso a contidos audiovisuais en catalán na infancia así como prioridades de actuación, como o ensino desta lingua entre a poboación adulta inmigrante.
Fonte: Generalitat de Cataluña
Boletín
Subscríbase ao boletín
