Dúas entidades interpuxeron un recurso contra a Consellería de Educación ante o Tribunal Superior de Xustiza de Cataluña por non proporcionarlle ao alumnado xordo educación en lingua de signos en todas as etapas educativas.

Fonte: La Vanguardia

Coa incorporación do catalán ás opcións de idiomas de Telegram xa son 16 as linguas que ofrece esta plataforma de mensaxería instantánea, dispoñible para dispositivos Android, iOS, TDesktop e macOS.

Fonte: Generalitat de Cataluña

Movistar+ vai recibir apoio da Dirección Xeral de Política Lingüística para subtitular en catalán 250 películas e 60 series este ano, unha iniciativa coa que a Generalitat pretende amosar a súa aposta por incrementar a oferta audiovisual en televisión nesta lingua.

Fonte: La Vanguardia

Os responsables da política lingüística dos gobernos catalán, valenciano e balear mantiveron unha reunión en Palma de Mallorca co obxectivo de coordinar actuacións neste ámbito.

Fonte: Generalitat de Catalunya

O Informe de Política Lingüística 2017 da Generalitat de Cataluña salienta os bos datos do catalán nas novas tecnoloxías, como demostra o feito de que alcanzase unha porcentaxe de uso que rolda o 73 % nas redes sociais e nas aplicacións de mensaxería e o  81 % en internet.

Fonte: La Vanguardia

O Departamento de Cultura reuniuse con representantes da distribución e a exhibición cinematográfica co obxectivo de promover o cine en catalán. Durante a reunión fixéronse valoracións das liñas destinadas á dobraxe e á subtitulación e para o fomento da exhibición nesta lingua.

Fonte: Generalitat de Catalunya

Este novo concurso, que se enmarca no programa "I tu, jugues en català?", terá lugar do 19 ao 30 de novembro, e constará de dez preguntas que farán referencia a xogos tradicionais do territorio. A finalidade é motivar a curiosidade e propiciar o coñecemento dos costumes populares locais no ámbito do xogo e fomentar así o uso do catalán.

Fonte: Generalitat de Cataluña

O pasado mes de xuño creouse o primeiro Censo de entidades de fomento do occitano, que acaba de publicarse. As entidades incluídas nel equipáranse así ás que promoven o catalán, o que supón un impulso para a lingua occitana, oficial en Cataluña como recolle o Estatuto e a Lei 35/2010.

Fonte: Generalitat de Catalunya

O Departamento de Cultura da Generalitat vai destinar un total 550 000 euros a 82 proxectos realizados por 68 entidades que fomentan o catalán en ámbitos como o lecer, a acollida ou as relacións profesionais.

Fonte: La Vanguardia

Segundo a enquisa territorial TIC nos fogares, un 72 % das persoas usuarias de mensaxería móbil emprega o catalán, unha porcentaxe que se eleva ata case o 83 % no caso da xente nova de 16 a 24 anos. Tamén se incrementa canto maior é o nivel de estudos, pois a utilización desta lingua supera o 90 % no caso de licenciadas/os e diplomadas/os.

Fonte: Generalitat de Catalunya