Cataluña
A xustiza catalá dita unha sentenza en catalán por cada seis en castelán
A xustiza catalá ditou, ao longo de 2010, seis veces máis sentenzas en castelán ca en catalán, 221.000 fronte a 37.000 aproximadamente, unha cifra similar á que se rexistrara no ano anterior.
Fonte: La Vanguardia
O Goberno de Cataluña impulsa un plan para que o catalán sexa vehicular na xustiza
As consellerías de Cultura e Xustiza e o consello dos Colexios de Avogados de Cataluña (Cicac) asinaron un anexo ao acordo de colaboración entre as mesmas partes de 2008, que pretende impulsar o catalán coma lingua de preferencia no ámbito xudicial e, especialmente, entre os avogados.
Fonte: La Razón
As multas lingüísticas en Barcelona durante os seis primeiros meses do ano alcanzaron a cifra de 39 400 euros
Nos seis primeiros meses deste ano, a Consellería de Empresa e Emprego iniciou 502 requirimentos sancionadores por “vulneración dos dereitos lingüísticos” unicamente na cidade de Barcelona. Destes, 53 acabaron en sanción, por un importe total de 39 400 euros.
Fonte: La Voz de Barcelona
Tres partidos políticos de Cataluña únense para pedir que o catalán sexa lingua oficial na Unión Europea
Os eurodeputados de CiU, ERC e ICV uníronse para presentar unha emenda conxunta que pide a oficialidade do catalán na UE aproveitando a revisión dos tratados debido á próxima adhesión de Croacia.
Fonte: La Vanguardia
A Consellería de Benestar Social da Generalitat de Catalunya aposta polo catalán como elemento de cohesión social
O conselleiro de Benestar Social e Familia da Generalitat de Catalunya, Josep Lluís Cleries, apostou por priorizar o ensino do catalán aos inmigrantes para favorecer a cohesión social e garantir unha rápida incorporación na sociedade.
Fonte: La Vanguardia
A Plataforma pola Lingua Catalá denuncia que só o 6 % dos xoguetes está en catalán
Os datos recollidos pola ONG Plataforma pola Lingua Catalá indican que só hai 750 xoguetes no mercado que inclúan o catalán nas instrucións, a caixa, a embalaxe ou as características do xoguete, o que supón unha melloría con respecto a anos anteriores, aínda que só representan o 6 % da oferta total.
Fonte: ABC
Aumenta un 14 por cento o consumo de medios de comunicación en catalán
O consumo de medios de comunicación en catalán aumentou un 14,2 por cento no último ano, mentres que os medios en castelán están estancados, segundo os datos do Barómetro da Comunicación e da Cultura.
Fonte: ABC
Cataluña achégase á lingua e á literatura galegas a través da figura de Álvaro Cunqueiro
A celebración do centenario do nacemento de Álvaro Cunqueiro (Mondoñedo, 1911 – Vigo, 1981), un dos grandes escritores da literatura galega, chega tamén a Cataluña. Faino a través da Universidade de Barcelona (UB) e do seu Centro de Estudos Galegos, que, para conmemorar esta data e difundir a lingua e a literatura galegas, organizou unha xornada sobre o escritor.
Fonte: Xunta de Galicia
Ràdio 4 cumpre 35 anos emitindo ininterrompidamente en catalán
A emisora de Radio Nacional de España en Cataluña, Ràdio 4, celebra o seu 35 aniversario, o que a consolida como a radio que leva máis anos emitindo ininterrompidamente en catalán.
Fonte: ABC
Inician unha nova campaña para impulsar a lingua catalá na práctica deportiva
A Dirección Xeral de Política Lingüística do Departamento de Cultura e a Secretaría Xeral do Deporte, coa colaboración da Unión de Federacións Deportivas de Cataluña, impulsan a campaña “Mou-te en catalá”, coa finalidade de fomentar o uso oral da lingua catalá no ámbito deportivo.
Fonte: Gencat
Boletín
Subscríbase ao boletín
