O pasado mes de xuño creouse o primeiro Censo de entidades de fomento do occitano, que acaba de publicarse. As entidades incluídas nel equipáranse así ás que promoven o catalán, o que supón un impulso para a lingua occitana, oficial en Cataluña como recolle o Estatuto e a Lei 35/2010.

Fonte: Generalitat de Catalunya

O Departamento de Cultura da Generalitat vai destinar un total 550 000 euros a 82 proxectos realizados por 68 entidades que fomentan o catalán en ámbitos como o lecer, a acollida ou as relacións profesionais.

Fonte: La Vanguardia

Segundo a enquisa territorial TIC nos fogares, un 72 % das persoas usuarias de mensaxería móbil emprega o catalán, unha porcentaxe que se eleva ata case o 83 % no caso da xente nova de 16 a 24 anos. Tamén se incrementa canto maior é o nivel de estudos, pois a utilización desta lingua supera o 90 % no caso de licenciadas/os e diplomadas/os.

Fonte: Generalitat de Catalunya

Diari de la llengua. El diari del català é un novo medio dixital, dirixido polo xornalista Raül G. Aranzueque, dedicado á lingua catalá, que ofrece reportaxes sobre temas relacionados tanto co catalán como con outras linguas, así como entrevistas a persoas relevantes neste ámbito.  

Fonte: Generalitat de Catalunya

TV3 e Catalunya Radio van converterse nos primeiros medios en ofrecer contidos en catalán no servizo de voz Alexa de Amazon, que estará dispoñible, entre outros, no último boletín de Catalunya Información e os titulares do Telexornal noite.

Fonte: El Nacional

A Generalitat vai revisar por primeira vez o seu modelo de inmersión lingüística nas aulas, un sistema que leva funcionando en Cataluña desde hai 30 anos e que prioriza o catalán como lingua habitual nas clases. Agora, o Goberno estuda intervir para reforzar con máis horas de castelán para o alumnado de contornos catalanfalantes.

Fonte: El País

O FC Barcelona e o Instituto Ramon Llull renovaron ata 2020 o acordo de colaboración que manteñen desde o ano 2012 para a realización conxunta de actividades destinadas á proxección exterior da lingua e a cultura catalás nas universidades estranxeiras.

Fonte: La Vanguardia

As novas tecnoloxías son unha oportunidade para difundir o catalán. Por este motivo, a Dirección Xeral de Política Lingüística convoca anualmente unha liña de axudas para incorporar esta lingua en apps e videoxogos.

Fonte: Generalitat de Catalunya

O avogado e ex-conselleiro Carles Mundó recibirá de mans do Consello da Avogacía Catalá o Premio Agustí Juandó i Royo, un galardón que recoñece o labor de entidades ou persoas a prol do uso do catalán no ámbito xurídico.

Fonte: La Vanguardia

O Instituto de Estudos Cataláns celebra o 19 de outubro en Barcelona a primeira Fes-te de la Llengua, coa finalidade de mostrar o carácter expresivo e lúdico do catalán. Esta primeira edición estará dedicada ao colectivo do profesorado que imparte esta lingua, así como aos estudantes de Filoloxía Catalá.

Fonte: Generalitat de Catalunya