Cataluña
A Comisión Europea defende as clases de Erasmus en catalán
A Comisión Europea defende que as universidades catalás impartan as clases aos estudantes estranxeiros de Erasmus en catalán. O comisario de Educación, Formación, Cultura e Xuventude Ján Figel, reclamou a España que "preserve e promova o seu multilingüismo" en vez de estar "á defensiva" e en lugar de "simplificar e buscar unha lingua franca".
Fonte: El Periódico de Cataluña
Ciutadans reclama en Barcelona unha escola bilingüe
Ciutadans-Partido de la Ciudadanía reuniu a varios centenares de persoas para esixir a dimisión do presidente da Generalitat, José Montilla, por non facer cumprir a sentenza do Tribunal Supremo que obriga a preguntar aos pais en que lingua queren que se escolarice os seus fillos.
Fonte: El País
O Instituto Cervantes e a Generalitat de Cataluña colaborarán na difusión da lingua e a cultura catalás no exterior
A directora do Instituto Cervantes, Carmen Caffarel, e o presidente da Generalitat de Cataluña, José Montilla, reuníronse en Barcelona para estudar novas vías de colaboración entre ambas as institucións para promover a lingua e a cultura catalás fóra de España.
Fonte: Diario del Henares
Europa Press lanza un portal de noticias integramente en catalán, o www.europapress.cat
Europa Press de Catalunya inicia a transmisión dun portal de noticias integramente en catalán (www.europapress.cat), que ofrecerá en aberto as principais informacións da actualidade diaria, non só catalá, senón tamén estatal e internacional.
Fonte: Europa Press
O occitano disporá dunha lei de política lingüística para normalizar o idioma
A Oficina Occitan en Cataluña terá dúas sedes: unha no Val de Arán –que será a central– e outra en Barcelona. Actualmente, o programa para a creación da oficina traballa en seis ámbitos. O primeiro baséase no aspecto de corte xurídico e, especialmente, na elaboración da Lei do occitano.
Fonte: La Mañana
A campaña 'Contaxia o catalán' quere que os falantes de catalán non pasen ao castelán á primeira de cambio
A Generalitat de Catalunya presentou a súa nova campaña para a normalización lingüística do catalán, "Contaxia o catalán" ("Encomana el català"), que centra o seu obxectivo en modificar os hábitos dos falantes de catalán que cambian de idioma para comunicarse en sociedade.
Fonte: Avui
A Generalitat de Catalunya defende o sistema de inmersión lingüística como "garantía de cohesión social"
O secretario de Política Lingüística da Generalitat de Catalunya, Bernat Joan, manifestou que "o sistema de inmersión lingüística é garantía de cohesión social", segundo informou o Executivo rexional.
Fonte: EcoDiario
O Tribunal Superior de Xustiza de Cataluña rexeita a petición dunha nai para que a filla faga preescolar en castelán
O Tribunal Superior de Xustiza de Cataluña desestimou o recurso interposto por unha muller que reclamaba que a súa filla fose educada en castelán durante a educación infantil no colexio Sant Josep de Calassanç-Escolàpies de Sabadell, e que tamén pedía que lle enviasen todas as circulares nesta lingua.
Fonte: Avui
Linguamón – Casa das Linguas lanza unha nova páxina web con xogos e actividades sobre a diversidade lingüística
Con motivo do Día Internacional da Lingua Materna, Linguamón – Casa das Linguas lanzou a páxina web As Tres Xemelgas no Bosque das Palabras. Trátase dun espazo onde estas personaxes infantís reflexionan acerca da necesidade e a importancia de preservar todas as linguas do mundo.
Fonte: Linguamón
Linguamón publica a primeira parte do proxecto Mapas vivos
Linguamón publicou a primeira parte do ambicioso proxecto Mapas vivos, que de momento conta cun atlas interactivo das linguas de Europa. A aplicación permite distinguir entre linguas territoriais e linguas oficiais e facer buscas personalizadas.
Fonte: Món Divers
Boletín
Subscríbase ao boletín
