Cataluña
O Goberno catalán crea unha web para a integración dos inmigrantes dispoñible en dez linguas
A Generalitat de Catalunya puxo en funcionamento un portal en internet para facilitar a integración dos inmigrantes, que inclúe información básica sobre a sociedade catalá e a súa lexislación, traducida a dez linguas diferentes.
Fonte: 20 minutos
A futura Lei de educación de Cataluña prevé que os profesores acrediten un nivel de inglés para exercer
A futura Lei de educación de Cataluña (LEC), que está a punto de recibir a luz verde da comisión de Educación do Parlamento catalán, prevé que os profesores de educación obrigatoria teñan que acreditar un nivel de linguas estranxeiras determinado -en especial de inglés- para poder exercer na escola pública.
Fonte: La Vanguardia
A lei catalá de educación elude a terceira hora de castelán
O decreto do Ministerio de Educación que insta a dar tres horas semanais de Lingua e Literatura Castelá nas escolas non se aplicará en Cataluña. Iso polo menos é o que se deriva do acordo alcanzado pola Comisión de Educación do Parlamento catalán, que aprobou o informe do relatorio da lei de educación.
Fonte: El País
O vicepresidente catalán presenta unha guía para aprender catalán a partir do árabe
O vicepresidente do Goberno catalán, Josep-Lluís Carod-Rovira, presentou a guía Vivir en Cataluña. Aprendemos o catalán desde o árabe, un material audiovisual que editaron a Secretaría de Política Lingüística e a Secretaría para a Inmigración para facilitar o coñecemento do catalán entre a poboación de orixe magrebí.
Fonte: e-Notícies
CiU quere que Renfe ofreza o catalán para a venda telefónica de billetes
O grupo de CiU no Parlamento catalán rexistrou unha proposta de resolución na Cámara catalá para instar o Goberno de Cataluña a reclamar a Renfe que ofreza a posibilidade de ser atendido en catalán no servizo telefónico de venda de billetes.
Fonte: Europa Press
A televisión pública catalá retransmite un partido de fútbol en aranés por primeira vez na historia
Por primeira vez na historia, os araneses puideron seguir a retransmisión dun partido de fútbol na súa lingua grazas a unha desconexión da canle analóxica de TV3 no Val de Arán. Este feito sen precedentes foi impulsado por Televisión de Cataluña.
Fonte: Nationalia
A Generalitat de Catalunya e entidades de xordos impulsan unha web coa lingua de signos catalá
A Generalitat de Catalunya e a Federación de Persoas Xordas de Cataluña (Fesoca) impulsaron a web 'Webvisual', que é un portal de información adaptada á Lingua de Signos Catalá (LSC).
Fonte: La Flecha
Maria Badia, candidata ás eleccións europeas, pide regular os usos das linguas da UE en base ao número de falantes
A candidata do PSC nas eleccións europeas, Maria Badia, avogou por que as institucións europeas conten cun réxime lingüístico distinto ao actual, e que teña como base o número de falantes que utilizan cada idioma.
Fonte: Europa Press
Un novo programa informático permite dispoñer dun intérprete de lingua de signos catalá a distancia
A Federación de Persoas Xordas de Cataluña puxo en marcha o primeiro programa informático, para empresas e institucións, que permite dispoñer dun intérprete de lingua de signos catalá a distancia, denominado Sigthos, que elimina a necesidade de ter un intérprete no lugar da conversa.
Fonte: ADN
A Consellería de Educación catalá garante que na aula os libros de texto dixitais estarán só en catalán
Fontes do Departamento de Educación catalán rebateron os argumentos que aseguran que os libros de texto dixitais poderían ser unha ameaza para a lingua catalá nas aulas e repetiron que a lingua vehicular do ensino nas aulas será o catalán.
Fonte: El Punt
Boletín
Subscríbase ao boletín
