Cataluña
O Barça recoñece o catalán "como lingua propia"
A proposta de novos Estatutos que a Xunta Directiva do FC Barcelona someterá á aprobación da Asemblea de Compromisarios do próximo 19 de agosto quere introducir diferentes cambios. Un é o "recoñecemento estatutario do catalán como lingua propia do FC Barcelona e de utilización normal e preferente en todas as actividades do Club".
Fonte: E-Notícies
A Generalitat de Catalunya manterá a súa política lingüística con independencia da decisión do Tribunal Constitucional
O secretario xeral de Política Lingüística da Generalitat de Catalunya, Bernat Joan (ERC), declarou que o Goberno desta comunidade manterá a súa política lingüística aínda que o Tribunal Constitucional (TC) anule o artigo do Estatuto sobre a obrigatoriedade de coñecer o catalán, un recorte que cualificou de "inaceptable e ilexítimo".
Fonte: Diario del Alto Aragón
Un total de 245 centros educativos cataláns iniciará este ano o plan de linguas estranxeiras
Un total de 245 centros educativos cataláns iniciará o vindeiro curso 2009-2010 o seu propio plan de linguas estranxeiras para potenciar o emprego dun terceiro idioma entre os alumnos, e con eles alcanzaranse os 1.045 centros que o aplican.
Fonte: Europa Press
O Síndic de Greuges de Cataluña (Valedor do Pobo) pídelle á Administración catalá que sexa bilingüe
"A Administración ten que garantir o uso de calquera das linguas oficiais nas relacións cos cidadáns», reza o Código de Boas Prácticas Administrativas elaborado polo Síndic de Greuges (Valedor do Pobo de Cataluña), Rafael Ribó, quen llo entregou ao presidente do Parlamento catalán, Ernest Benach.
Fonte: El Mundo
O vicepresidente catalán e o síndico de Arán asinan un convenio de colaboración para impulsar a lingua occitana
O vicepresidente da Generalitat de Catalunya, Josep Lluís Carod-Rovira, e o síndico de Arán, Francés Boya, asinaron un acordo de colaboración co obxectivo de impulsar o uso, difusión e coñecemento da lingua occitana, idioma que segundo o novo Estatuto catalán é oficial na comunidade, informou a Generalitat nun comunicado.
Fonte: Qué
O inglés consolídase nas aulas catalás
O inglés estase infiltrando cada curso con máis intensidade nos colexios e institutos cataláns. Son 245 centros e 96.315 alumnos os que se sumarán este curso ao plan de linguas estranxeiras da Generalitat. En total, serán 372.000 alumnos de 1.045 centros, un de cada tres, os que reforzarán un idioma estranxeiro este curso. A inmensa maioría focalizaranse no inglés.
Fonte: El País
CiU quere que a futura lei de estranxeiría valore o coñecemento do catalán
O proxecto para reformar a lei de estranxeiría chega ao Congreso e CiU xa anunciou que votará en contra das emendas á totalidade. O deputado da federación que se encarga deste, Carles Campuzano, asegura que lle gustaría chegar a un acordo co PSOE e que, ademais, sería desexable un "acordo de fondo" por parte de todos os grupos parlamentarios. Pero que se chegue a un pacto depende en gran parte da importancia que se lle dea ao coñecemento do catalán, é dicir, que se recoñeza como factor de integración.
Fonte: Avui
Autobuses de Barcelona levarán unha publicidade en defensa do catalán
Autobuses das liñas 17, 22, 24 e 33 de Barcelona lucirán imaxes da campaña da Plataforma pola Lingua 'El català suma' (O catalán suma), que mostrarán a "inexplicable desigualdade lexislativa" do catalán respecto ao castelán en Cataluña.
Fonte: La Vanguardia
CiU considera "grotesco" que técnicos do Servizo de Ocupación de Cataluña non falen en catalán
O grupo de CiU no Parlamento de Cataluña considera "grotesco" e "decepcionante" que técnicos do Servizo de Ocupación de Cataluña (SOC) non falen en catalán para atender as consultas que poidan facer os cidadáns.
Fonte: Avui
Nokia inclúe o catalán en todos os seus terminais
Nokia incorporou o catalán como lingua dispoñible nos menús de todos os seus terminais, a través dun convenio asinado coa Generalitat de Cataluña para promover a telefonía móbil en catalán.
Fonte: El Mundo
Boletín
Subscríbase ao boletín
