A Plataforma pola Lingua Catalá lamentou a "inexistente presenza do catalán" nos paneis informativos do tráfico de vos na recentemente inaugurada Terminal-1 do Aeroporto de El Prat.

Fonte: ADN

Noam Chomsky, Paul Auster, Maria de Medeiros ou Sue Gardner son algunhas das personalidades que quixeron facer oír a súa voz en favor da diversidade lingüística do planeta. Con estas voces, Linguamón abre o documental Voces unidas, un valioso testemuño gráfico que ten como obxectivo sensibilizar a cidadanía sobre a importancia e o valor das linguas.

Fonte: Linguamón

Aínda que a Generalitat de Catalunya está moderadamente satisfeita cos pasos que a maioría das empresas deu no uso da lingua catalá nos seus produtos e servizos, a Axencia Catalá do Consumo exhortou as compañías a «non ter complexos» á hora de etiquetar neste idioma.

Fonte: El Periódico

Presentouse en Tarragona o Plan de traballo 2009-2010 para fomentar o catalán no sector da avogacía. Esta iniciativa enmárcase no acordo asinado entre os departamentos de Vicepresidencia, Xustiza e o Consello de Colexios de Avogados de Cataluña (CICAC) para o fomento do uso do catalán neste ámbito.

Fonte: Generalitat de Catalunya

Só o 25 % dos xuízos que se celebran en Cataluña se fan en lingua catalá. Este é un dos datos incluídos nun estudo elaborado pola administración lingüística e xudicial da Generalitat de Catalunya, que por primeira vez retrata os hábitos lingüísticos nos tribunais e xulgados cataláns.

Fonte: Avui

O secretario catalán de Política Lingüística, Bernat Joan, e o subdirector de Produción Estatística do Idescat (Instituto de Estatística de Cataluña), Enric Ripoll, presentaron os datos da Enquisa de usos lingüísticos da poboación 2008. Esta é a segunda edición dunha estatística oficial incluída na lei do Plan estatístico 2006-2009.

Fonte: Generalitat de Catalunya

O ministro de Xustiza, Francisco Caamaño, admitiu a necesidade "de seguir impulsando e estimulando" nos xulgados o uso do catalán e o resto de linguas que no seu territorio comparten cooficialidade co castelán.

Fonte: Avui

O estudo "Usos, actitudes e identidades lingüísticas entre o estudantado universitario" foi elaborado durante o curso 2008-2009 polos servizos lingüísticos das universidades catalás e, por primeira vez, mostra datos globais do sistema universitario catalán.

Fonte: Universitat de Barcelona

A Generalitat de Catalunya e 14 concellos puxeron en marcha un plan piloto para ensinarlles catalán a nenos e nenas de orixe estranxeira que o precisen para garantir a súa incorporación ao sistema educativo e á sociedade. As clases formarán parte da oferta de verán de entidades como os centros municipais e incluirán actividades de lecer.

Fonte: Generalitat de Catalunya

O Goberno catalán aprobou o proxecto de lei da lingua de signos catalá que regulará o ensino, a aprendizaxe e a súa interpretación co fin de garantir o seu uso entre o colectivo de persoas xordas que queira utilizala.

Fonte: Europa Press