Cataluña
Esquerra Republicana avisa que non apoiará o Pacto pola Educación se se pon en dúbida a inmersión lingüística en Cataluña
O portavoz de Esquerra no Congreso, Joan Ridao, avisou o ministro de Educación, Ángel Gabilondo, que a súa formación non apoiará o Pacto de Estado pola Educación se neste "se pon en dúbida un modelo de éxito avalado por máis de 30 anos, como o sistema catalán de inmersión lingüística".
Fonte: Europa Press
O Consello Social do Catalán denuncia a marxinación do idioma na Xustiza
O Consello denunciou que o Goberno español incumpre os "compromisos asumidos" no Estatuto e ao ratificar a Carta Europea das Linguas Rexionais e Minoritarias, asumida por 47 Estados membro do Consello de Europa.
Fonte: ABC
O presidente de Cataluña ve "inaceptable" a situación actual do catalán nos cines
O presidente da Generalitat, José Montilla, cualificou de "inaceptable" a situación da lingua catalá nos cines, xa que, a día de hoxe, a súa presenza é só do 3 por cento.
Fonte: Europa Press
O Goberno catalán defende ante a Xustiza a súa política de multas lingüísticas
A Generalitat de Catalunya sentou no banco dos acusados para dar explicacións sobre a súa política de sancións aos comercios que non rotulan en catalán.
Fonte: El Periódico
Editores en catalán apoian a lei do cine para solucionar o "desequilibrio lingüístico"
A Asociación de Editores en Lingua Catalá (AELLC) mostrou o seu apoio á Lei do cine de Cataluña impulsada pola Consellería de Cultura da Generalitat para emendar "o actual desequilibrio lingüístico" na actual oferta de películas.
Fonte: Europa Press
Cataluña esixiralles o catalán aos novos profesores universitarios
Ter o nivel C de catalán será obrigatorio para os novos profesores no momento de acceder a un posto estable nas universidades catalás ou, nalgúns casos, cando o seu contrato temporal supere o prazo de dous anos.
Fonte: El País
O Síndic de Greuges de Cataluña (Valedor do Pobo) pídelle á Administración catalá que sexa bilingüe
"A Administración ten que garantir o uso de calquera das linguas oficiais nas relacións cos cidadáns», reza o Código de Boas Prácticas Administrativas elaborado polo Síndic de Greuges (Valedor do Pobo de Cataluña), Rafael Ribó, quen llo entregou ao presidente do Parlamento catalán, Ernest Benach.
Fonte: El Mundo
O vicepresidente catalán e o síndico de Arán asinan un convenio de colaboración para impulsar a lingua occitana
O vicepresidente da Generalitat de Catalunya, Josep Lluís Carod-Rovira, e o síndico de Arán, Francés Boya, asinaron un acordo de colaboración co obxectivo de impulsar o uso, difusión e coñecemento da lingua occitana, idioma que segundo o novo Estatuto catalán é oficial na comunidade, informou a Generalitat nun comunicado.
Fonte: Qué
O inglés consolídase nas aulas catalás
O inglés estase infiltrando cada curso con máis intensidade nos colexios e institutos cataláns. Son 245 centros e 96.315 alumnos os que se sumarán este curso ao plan de linguas estranxeiras da Generalitat. En total, serán 372.000 alumnos de 1.045 centros, un de cada tres, os que reforzarán un idioma estranxeiro este curso. A inmensa maioría focalizaranse no inglés.
Fonte: El País
CiU quere que a futura lei de estranxeiría valore o coñecemento do catalán
O proxecto para reformar a lei de estranxeiría chega ao Congreso e CiU xa anunciou que votará en contra das emendas á totalidade. O deputado da federación que se encarga deste, Carles Campuzano, asegura que lle gustaría chegar a un acordo co PSOE e que, ademais, sería desexable un "acordo de fondo" por parte de todos os grupos parlamentarios. Pero que se chegue a un pacto depende en gran parte da importancia que se lle dea ao coñecemento do catalán, é dicir, que se recoñeza como factor de integración.
Fonte: Avui
Boletín
Subscríbase ao boletín
