Cataluña
A Consellería de Educación de Cataluña estende a toda a primaria a inmersión lingüística en catalán
A Consellería de Educación da Generalitat de Catalunya estenderá a partir do próximo curso a inmersión lingüística en catalán a toda a ensinanza primaria -de 3 ata os 12 anos- nos 84 centros en que xa se aplicaba esta política, e á que se adherirán 68 escolas de Cataluña.
Fonte: Europa Press
O Parlamento catalán pide que as declaracións en linguas estranxeiras en TV3 se subtitulen
A comisión parlamentaria de control á Corporación Catalá de Medios Audiovisuais (CCMA) aprobou por unanimidade unha resolución de CiU que pide que, no libro de estilo dos medios públicos da Generalitat que se está elaborando, se recolla que as declaracións en linguas estranxeiras que se emitan na Televisión de Cataluña (TVC) non se dobren, senón que se subtitulen en catalán.
Fonte: Europa Press
O Concello de Barcelona intégrase no Consorcio da Casa das Linguas
O Concello de Barcelona incorporouse no proxecto de Linguamón – Casa das Linguas mediante a cesión de 7.000 metros cadrados da antiga fábrica de Can Ricart.
Fonte: Linguamón
O PP de Cataluña opta por unha dobre rede lingüística escolar
O PP de Cataluña opta por establecer a dobre rede lingüística de escolarización -que lles permita aos pais escoller entre o catalán e o castelán como lingua vehicular das clases- na proposición de lei de educación que rexistrou no Parlamento, que quere ser unha alternativa á elaborada polo conselleiro Ernest Maragall.
Fonte: Avui
A Generalitat de Catalunya comeza a inspeccionar o uso do catalán na hostalería
A Generalitat de Catalunya comeza unha campaña informativa de inspección para comprobar se o sector da hostalería cumpre coa lei de política lingüística.
Fonte: Avui
Aena responsabiliza as compañías aéreas da ausencia do catalán no Aeroporto de El Prat
A entidade de Aeroportos Españois e Navegación Aérea (Aena) responsabilizou as compañías aéreas da ausencia do catalán no uso da toponimia no Aeroporto de El Prat (Barcelona) alegando que a información se dá "de acordo con criterios establecidos polas propias compañías aéreas".
Fonte: Europa Press
O tripartito e CiU negocian reducir a opción de estudar en castelán
O tripartito quere que o dereito a estudar en castelán se reduza a un curso escolar, ben na etapa infantil ou en primaria. Pero CiU, impulsor da actual norma, non apoia o cambio e presentou unha emenda para que se manteñan as cosas tal e como están: dereito a estudar en castelán ata os oito anos.
Fonte: El País
O Goberno español mediará para que as aeroliñas usen o catalán en Cataluña
O secretario de Estado de Transportes, Fernando Palao, comprometeuse a falar coas compañías aéreas que operan en Cataluña para que incorporen o catalán na megafonía e o usen en tanto que lingua oficial en Cataluña, segundo un comunicado emitido pola Generalitat.
Fonte: Europa Press
Linguamón e a Pompeu Fabra convocan o I Premio ao Mellor Traballo de Investigación no Ámbito das Linguas e a Linguaxe
A Facultade de Tradución e Interpretación da Universidade Pompeu Fabra (UPF) e Linguamón – Casa das Linguas acaban de crear o Premio Linguamón-UPF co obxectivo de incentivar a investigación no ámbito das linguas e a linguaxe.
Fonte: Linguamón
O Departamento de Xustiza e o Consello dos Colexios de Avogados de Cataluña despregan un plan para fomentar o catalán
O Departamento de Xustiza e o Consello dos Ilustres Colexios de Avogados de Barcelona iniciaron o despregamento do Plan de calidade lingüística para despachos de avogados co fin de fomentar o catalán.
Fonte: Noticias.info
Boletín
Subscríbase ao boletín
