Cataluña
A Generalitat de Cataluña e o Goberno de Andorra asinan un convenio para o recoñecemento mutuo dos certificados oficiais da lingua catalá
A Generalitat de Cataluña e o Goberno de Andorra subscriben un convenio para recoñecer os certificados oficiais acreditativos de coñecementos de catalán co obxectivo de permitir a mobilidade de persoas no ámbito laboral e dos estudos e o acceso á Administración pública.
Fonte: La Vanguardia
O Goberno de Cataluña promove o uso do catalán no ámbito xurídico
A Generalitat aproba un decreto que recoñece a equivalencia do certificado de linguaxe xurídica en catalán que imparten as universidades de Cataluña e fomenta que os profesionais do sector utilicen esta lingua na Administración de Xustiza e coñezan o léxico especializado.
Fonte: Generalitat de Cataluña
Convócase o premio Llengua Nacional para empresas comprometidas co catalán
A Asociación Lingua Nacional, coa colaboración da Dirección Xeral de Política Lingüística, convoca a primeira edición dun premio para proxectos empresariais de calquera territorio de fala catalá que mostren o seu compromiso co catalán e axuden na extensión e o uso correcto desta lingua.
Fonte: Generalitat de Cataluña
Danse a coñecer as persoas e as entidades recoñecidas cos premios Pompeu Fabra polo seu traballo a prol da proxección social do catalán
A sétima edición dos premios Pompeu Fabra, correspondente ao ano 2018, recoñece o labor da Asociación de Escritores en Lingua Catalá, os profesores Mila Segarra e Jordi Mir, os establecementos König, a Asociación de Publicacións Periódicas en Catalán, o presentador de televisión Halldór Már e o voluntario lingüístico Ramon Rom Sagristà.
Fonte: Generalitat de Catalunya
A presenza do catalán increméntase nas aplicacións de mensaxería instantánea
Segundo unha enquisa, cada vez máis aplicacións de mensaxería instantánea inclúen o catalán na súa oferta lingüística, entre elas WhatsApp, Skype, Google Hangouts, Facebook Messenger, Snapchat, Telegram e Yahoo.
Fonte: Generalitat de Catalunya
Nace El Tecnològic, un novo medio en catalán sobre o sector dixital
El Tecnològic é unha evolución do portal PCatalà e ofrece contidos sobre o mundo dixital en catalán, como noticias, trucos e titoriais.
Fonte: Generalitat de Catalunya
Publícase o primeiro vídeo en liña do proxecto Easy Catalan
O proxecto Easy Catalan, para a aprendizaxe do catalán que se fala na rúa, xa publicou o seu primeiro vídeo nas redes sociais. Nel móstranse entrevistas con falantes reais desta lingua gravadas nas rúas de Andorra a Vella.
Fonte: Generalitat de Catalunya
A Generalitat de Cataluña continúa apostando polo catalán e o aranés no seu novo plan de Goberno
O presidente da Generalitat de Cataluña presentou o plan do seu Goberno en materia cultural e lingüística, no que se consolida o apoio ao catalán e ao aranés a través de diferentes medidas que fomentan a aprendizaxe e o uso destas linguas.
Fonte: La Vanguardia
Comeza unha nova edición do Kastanya.cat, un proxecto para fomentar o catalán e o occitano a través da música
O pasado 21 de setembro comezaron as emisións dos sete programas de televisión que integran o proxecto Kastanya.cat 2018. Con esta iniciativa búscase fomentar o uso do catalán e do occitano a través da música, no marco da festa da Castanyada.
Fonte: Generalitat de Catalunya
Unha publicación analiza os resultados da enquisa de usos lingüísticos da poboación catalá de 2013
Este traballo constata que a inmigración chegada a Cataluña nos últimos anos fixo diminuír a porcentaxe de coñecemento inicial e de uso do catalán, ao tempo que se incrementaron os falantes de linguas diferentes ao castelán e ao catalán.
Fonte: Generalitat de Catalunya
Boletín
Subscríbase ao boletín
