Cataluña
El País renova a súa aposta pola información en catalán cun novo deseño
A edición en catalán do xornal El País centrarase nesta nova etapa en ampliar a cobertura en Barcelona e apostará por informacións e reportaxes en profundidade e por artigos de opinión centrados en Cataluña.
Fonte: El País
Un total de 69 novelas optará ao XXI Premio Roc Boronat de novela en catalán
A ONCE de Cataluña convoca unha nova edición do premio Roc Boronat en Lingua Catalá ao que optarán 69 novelas. Este certame ten entre os seus obxectivos apoiar a creación literaria en catalán entre as persoas con discapacidade visual.
Fonte: La Vanguardia
Entréganse os premios do concurso "I tu, jugues en català?"
O concurso “I tu, jugues en català?”, organizado polo Consorcio para a Normalización Lingüística e que ten como obxectivo dinamizar o catalán no ámbito dos xogos e os xoguetes, entregou os premios da súa terceira edición.
Fonte: Generalitat de Catalunya
A Generalitat de Cataluña abre o prazo de inscrición para obter os certificados oficiais de lingua catalá
A Dirección Xeral de Política Lingüística abriu, ata o 13 de febreiro, o prazo de inscrición nas probas para obter os certificados oficiais de catalán de cinco niveis: básico, elemental, intermedio, suficiencia e superior.
Fonte: Generalitat de Catauña
Seis novos autos obrigan a cambiar o modelo lingüístico de tres centros educativos de Cataluña
O Tribunal Superior de Xustiza de Cataluña obrígalle á Generalitat a cambiar o modelo lingüístico nalgúns cursos de tres centros educativos, onde se impartirá un mínimo do 25 % de clases en castelán aos fillos das familias demandantes.
Fonte: La Vanguardia
Os axentes da Garda Civil destinados a Cataluña poderían recibir clases de catalán
Desde a Delegación do Goberno en Cataluña proponse que os axentes da Garda Civil destinados a Cataluña reciban clases de catalán, co obxectivo de mellorar o coñecemento desta lingua e a relación deste corpo de seguridade coa cidadanía.
Fonte: El Periódico
O Voluntariado pola Lingua creou máis de 130 000 parellas lingüísticas en catalán dende o ano 2003
A Dirección Xeral de Política Lingüística do Departamento de Cultura é a impulsora do Voluntariado pola Lingua que dende o ano da súa creación, en 2003, formou máis de 130 000 parellas lingüísticas, e que só en 2018 superou as 10 600.
Fonte: Generalitat de Cataluña
O Centro de Terminoloxía Termcat traduce ao catalán dúas normas técnicas dedicadas ao ámbito empresarial
O Termcat elaborou a versión catalá de dúas normas técnicas, unha relativa á xestión de recursos humanos e outra que se refire á xestión de riscos, que servirán para promover o uso do catalán no ámbito da empresa.
Fonte: Generalitat de Catalunya
A Fundación puntCAT convoca axudas por un valor de 160 000 euros para proxectos dixitais en catalán
A Fundación puntCAT destinará 160 000 euros para proxectos dixitais que teñan como obxectivo promover a cultura e a lingua catalás en internet e nas novas tecnoloxías da información.
Fonte: El Nacional
Publícase en liña a Gramática esencial da lingua catalá
O Instituto de Estudos Cataláns (IEC) publicou en liña unha versión reducida e adaptada da Gramática da lingua catalá co obxectivo de facilitar o coñecemento da normativa gramatical deste idioma. Está estruturada en 32 capítulos e inclúe un glosario de 568 termos. Proximamente incorporará audios que permitirán escoitar os exemplos dos contidos fonéticos e fonolóxicos.
Fonte: La Vanguardia
Boletín
Subscríbase ao boletín
