Cataluña
Pimec e o Consorcio para a Normalización Lingüística renovan o seu convenio de colaboración para fomentar o catalán
Pimec e o Consorcio para a Normalización Lingüística continuarán colaborando no fomento do emprego da lingua catalá no ámbito empresarial e promovendo o seu uso entre pemes e autónomos.
Fonte: La Vanguardia
O Goberno de Cataluña establecerá cláusulas de uso do catalán na contratación de produtos e servizos tecnolóxicos
O Goberno acordou un paquete de medidas para o fomento do catalán, entre as que figuran unhas cláusulas de uso desta linguas na contratación administrativa de produtos e servizos tecnolóxicos por parte da Generalitat, como nas pantallas dixitais ou os elementos de asistencia de voz.
Fonte: La Vanguardia
Barcelona estrea un ‘escape room’ para resolver enigmas sobre Pompeu Fabra e a lingua catalá
'A l'ombra de Sant Pau' é un escape room ambientado na Guerra Civil, impulsado polo Instituto de Estudos Cataláns e a Dirección Xeral de Política Lingüística, no que as persoas participantes deberán resolver unha serie de enigmas relacionados co catalán.
Fonte: La Vanguardia
Un convenio permitirá a elaboración dun dicionario dedicado á terminoloxía parlamentaria en Cataluña
O Parlamento de Cataluña, o Departamento de Acción Exterior e o TERMCAT asinaron un convenio que permitirá a elaboración dun dicionario terminolóxico da actividade parlamentaria. Está previsto que conte cunha versión en papel e outra en liña e que conteña arredor de 400 termos en catalán acompañados de definicións, notas explicativas e equivalencias en castelán, occitano, francés e inglés.
Fonte: Generalitat de Catalunya
O Termcat publica en liña o seu Dicionario de comunicación empresarial
Este dicionario, que ata o momento só estaba dispoñible na súa versión impresa, contén 2484 entradas relacionadas coa comunicación empresarial que se presentan en catalán coa súa tradución en castelán e inglés e, nalgúns casos, francés.
Fonte: Generalitat de Catalunya
O Servizo Local de Catalán de Rubí impulsa unha nova edición do seu voluntariado lingüístico
Esta iniciativa emparella participantes para que poidan axudarse na aprendizaxe do catalán a través de reunións periódicas para conversar, realizar actividades de ocio e outras que poidan ser do seu interese.
Fonte: El Periódico
A Generalitat de Cataluña estrea unha área de descarga de contidos para medios de comunicación na web Lingua Catalá
A web de Lingua Catalá renóvase e pon a disposición de medios de comunicación e empresas novos materiais gráficos e audiovisuais de difusión de campañas de Política Lingüística para a súa libre descarga.
Fonte: Generalitat de Catalunya
O uso do catalán nos xulgados descende nove puntos en dez anos
O Consello da Avogacía Catalá celebra unhas xornadas sobre o uso do catalán na Xustiza ante a preocupación polo descenso no número de sentenzas nesta lingua, un 7,7 % en 2018, polo que solicita apoio da xudicatura para asegurar os dereitos lingüísticos da cidadanía.
Fonte: Abogacía
Preséntanse no Parlamento de Cataluña as principais liñas do Goberno catalán en materia de fomento do aranés
A conselleira de Cultura do Goberno catalán explicou as principais liñas da política lingüística con respecto ao aranés, unha lingua que se compromete a impulsar e defender.
Fonte: Generalitat de Catalunya
O TERMCAT pon a disposición dos seus usuarios unha nova norma UNE en catalán
Esta norma UNE, do ano 2008, fai referencia ao vocabulario empregado na industria gráfica e inclúe 82 novos termos que xa se atopan normalizados polo Consello Supervisor do TERMCAT.
Fonte: Generalitat de Catalunya
Boletín
Subscríbase ao boletín
