Comunidade Valenciana
A Universidade Politécnica de Valencia ofrece cursos gratuítos para aprender valenciano desde casa
Os cursos de autoaprendizaxe en liña que ofrece a Universidade Politécnica de Valencia son gratuítos e van desde o nivel elemental ata o superior. Ademais, desde a súa web, poñen á disposición da cidadanía diferentes recursos para aprender e mellorar os coñecementos de valenciano.
Fonte: El Periòdic
A Universidade de Alacant e Escola Valenciana asinan un convenio para impulsar a Unidade para a Educación Multilingüe
O obxectivo deste convenio, asinado entre a Universidade de Alacant e Escola Valenciana, é formar, a partir da cooperación entre ambas as institucións, un grupo de traballo para fomentar a investigación e a difusión sobre a educación multilingüe, tanto no ámbito universitario como nos diferentes niveis do ensino non universitario.
Fonte: La Vanguardia
A Autoridade Portuaria de Valencia impulsa a internacionalización dunha campaña solidaria en oito linguas
A Autoridade Portuaria de Valencia puxo en marcha a campaña #AlPieDelCañon, unha iniciativa solidaria que inclúe mensaxes en oito idiomas diferentes, entre os que se atopan o inglés, o francés, o alemán, o chinés ou o árabe, entre outros, co obxectivo de facela chegar a todos os continentes.
Fonte: Naucher Global
O Goberno valenciano aproba un convenio coa Universidade de Valencia para o funcionamento da Cátedra de Dereitos Lingüísticos
A Consellería de Educación, Cultura e Deporte asinará un acordo de colaboración coa Universidade de Valencia para o funcionamento da Cátedra de Dereitos Lingüísticos polo que achegará 80 000 euros.
Fonte: València Extra
Unha campaña anima a ler en valenciano nos centros educativos a través dunha colección de cómics
A Deputación de Valencia e a Academia Valenciana da Lingua animan a ler en valenciano cunha colección de cómics denominada ‘Gràfica’ que chegará aos concellos e aos centros de ensino.
Fonte: El Periodic
Chega ao Congreso unha proposta para denominar catalán ao valenciano
A proposta enviada ao Goberno español e ao resto de grupos parlamentarios consiste no recoñecemento legal da unidade da lingua catalá e o emprego da denominación “catalán” en lugar de "valenciano" para referirse á lingua oficial, xunto ao castelán, da Comunidade Valenciana.
Fonte: El Periòdic
As oficinas da Policía Nacional da Comunidade Valenciana deberán contar, como mínimo, cun axente que saiba valenciano
Ante as denuncias por discriminación lingüística que se produciron nos últimos meses na Comunidade Valenciana, a Dirección Xeral da Policía Nacional enviou unha circulara para que en cada quenda haxa, polo menos, un funcionario que poida atender a cidadanía en valenciano.
Fonte: La Vanguardia
Apróbase o proxecto de lei da función pública valenciana que esixirá o requisito lingüístico para acceder á Administración
O proxecto de lei da función pública valenciana establece, por primeira vez nesta comunidade, a esixencia, para quen queira acceder a un emprego na Administración, dunha capacitación lingüística de valenciano proporcional e adecuada ao posto que se vaia desempeñar.
Fonte: La Vanguardia
Valencia acolle un recital poético nas diferentes linguas do Estado
Valencia convértese na capital da poesía e a diversidade lingüística cun acto no que intervirán oitos poetas que ofrecerán un recital en varias linguas, como galego, valenciano, éuscaro, catalán e castelán.
Fonte: La Vanguardia
A Deputación de Castelló súmase á rede de servizos lingüísticos para fomentar o uso do valenciano na Administración local
A recentemente creada Área de Normalización Lingüística da Deputación de Castelló bota a andar co obxectivo de incrementar o uso do valenciano nas administracións locais. Por este motivo, unha das súas primeiras accións vai ser adherirse á rede pública de servizos lingüísticos.
Fonte: El Periodic
Boletín
Subscríbase ao boletín
