O Concello de Castelló e Escola Valenciana poñen en marcha o voluntariado lingüístico en liña, unha iniciativa que ten como obxectivo poñer en contacto a través da rede as persoas participantes para que poidan practicar valenciano sen saír da casa.     

Fonte: El Periòdic

O Concello de Valencia preparou unha serie de propostas para celebrar o Día do Libro e fomentar o uso do valenciano no marco da actual crise sanitaria, que incrementou notablemente a presenza do Gabinete de Normalización Lingüística municipal nas redes sociais.

Fonte: NoticiasDe

A Unidade de Normalización Lingüística creou un vocabulario de Semana Santa e de Pascua en formato de postais para aprender léxico en valenciano. As devanditas postais difundiranse a través das redes sociais desta institución provincial.

Fonte: València Extra

#SempreTeuaACasa consta de 12 videopropostas en valenciano para todas as idades para vivir a Pascua en familia durante o confinamento. Esta canle inclúe numerosas actividades de lecer entre as que se atopan compoñer un rap, facer monicreques, cociñar, crear unha obra de teatro ou bailar danzas tradicionais valencianas.

Fonte: Novelda Digital

Os cursos de autoaprendizaxe en liña que ofrece a Universidade Politécnica de Valencia son gratuítos e van desde o nivel elemental ata o superior. Ademais, desde a súa web, poñen á disposición da cidadanía diferentes recursos para aprender e mellorar os coñecementos de valenciano.  

Fonte: El Periòdic

O obxectivo deste convenio, asinado entre a Universidade de Alacant e Escola Valenciana, é formar, a partir da cooperación entre ambas as institucións, un grupo de traballo para fomentar a investigación e a difusión sobre a educación multilingüe, tanto no ámbito universitario como nos diferentes niveis do ensino non universitario.

Fonte: La Vanguardia

A Autoridade Portuaria de Valencia puxo en marcha a campaña #AlPieDelCañon, unha iniciativa solidaria que inclúe mensaxes en oito idiomas diferentes, entre os que se atopan o inglés, o francés, o alemán, o chinés ou o árabe, entre outros, co obxectivo de facela chegar a todos os continentes.

Fonte: Naucher Global

A Consellería de Educación, Cultura e Deporte asinará un acordo de colaboración coa Universidade de Valencia para o funcionamento da Cátedra de Dereitos Lingüísticos polo que achegará 80 000 euros.

Fonte: València Extra

A Deputación de Valencia e a Academia Valenciana da Lingua animan a ler en valenciano cunha colección de cómics denominada ‘Gràfica’ que chegará aos concellos e aos centros de ensino.

Fonte: El Periodic

A proposta enviada ao Goberno español e ao resto de grupos parlamentarios consiste no recoñecemento legal da unidade da lingua catalá e o emprego da denominación “catalán” en lugar de "valenciano" para referirse á lingua oficial, xunto ao castelán, da Comunidade Valenciana.  

Fonte: El Periòdic