País Vasco
Varias vilas vascas fomentarán o éuscaro nos salóns de peiteado
As vilas da comarca de Oarsoaldea, no País Vasco, van organizar unha campaña para fomentar o uso do éuscaro nos salóns de peiteado, no seu afán de promover esta lingua en diferentes gremios.
Fonte: Diario Vasco
O municipio vasco de Ermua celebra a súa Feira do libro e o disco vasco
Ermua celebra unha nova edición da súa Feira do libro e o disco vasco, na que se presentarán as últimas novidades editoriais en éuscaro. Este evento de promoción do éuscaro celébrase anualmente desde 1992.
Fonte: Diario Vasco
Os concellos de Zumarraga e Urretxu organizan colonias de verán para fomentar o éuscaro entre os nenos
Os concellos vascos de Zumarraga e Urretxu van organizar colonias de verán que acollerán ata a 300 nenos co obxectivo de fomentar o uso do éuscaro entre eles.
Fonte: Diario Vasco
Entréganse os premios do concurso de anuncios en éuscaro
O concurso Euspot de anuncios en éuscaro celebrou a súa cerimonia de entrega de premios na que se entregaron os galardóns que ascenderon a mil euros. Esta edición contou con 35 traballos presentados e o intento de chegar á poboación nova.
Fonte: Diario Vasco
O éuscaro será a lingua principal de traballo en catro departamentos do Concello de Donostia
As áreas de Igualdade, Participación Cidadá, Educación e Servizo de Éuscaro adoptarán o éuscaro como lingua principal de traballo, o que implica que a partir de agora, toda comunicación con outros departamentos se realizará nesta lingua.
Fonte: Diario Vasco
O Concello de Andoain pon en marcha un programa para fomentar o éuscaro no ámbito laboral
O Concello de Andoain, xunto coa asociación Banaiz Bagara, vai poñer en marcha un novo programa de fomento do éuscaro que buscará impulsar o uso desta lingua no ámbito laboral.
Fonte: Diario Vasco
A Semana do Deporte de Andoain promoverá o uso do éuscaro no deporte
O municipio guipuscoano de Andoain prepara a súa Semana do Deporte, cuxo lema “No deporte tamén en éuscaro” busca a promoción do uso desta lingua nas actividades deportivas.
Fonte: Diario Vasco
Os Gobernos do Perú e do País vasco estreitan lazos en materia de política lingüística
O País vasco foi o país invitado na Semana da Diversidade Cultural e Lingüística do Perú para falar do proceso de recuperación do éuscaro, xa que no Perú tamén hai unha situación de multilingüismo.
Fonte: El Diario
O modelo B de educación en éuscaro e castelán ofrecerase en formación profesional a partir do próximo ano
O Goberno vasco ofrecerá ensino bilingüe (en éuscaro e castelán) na formación profesional a partir do próximo ano. O obxectivo é continuar promovendo esta lingua e ofrecer ensino bilingüe máis alá da educación secundaria obrigatoria.
Fonte: 20 minutos
Un programa da televisión vasca analizará o uso do éuscaro no sistema sanitario do País Vasco
O programa da televisión autonómica vasca Tribuaren Berbak analizará a situación do éuscaro no sistema sanitario da comunidade e destacará a importancia do seu uso cos pacientes.
Fonte: EITB
Boletín
Subscríbase ao boletín
