Loreak (Flores), ademais de ser a primeira longametraxe en éuscaro en aspirar ao Goya ao mellor filme, foi tamén a primeira cinta integramente en éuscaro que competiu na sección oficial do Festival de San Sebastián.

Fonte: El País

Ttur-ttur Euskaltzaleon Bilgunea organizou un curso de éuscaro para comerciantes e hostaleiros de Oiartzun, co fin de que poidan aprender a levar conversas correntes coa clientela. O curso será de 60 horas e englóbase dentro do proxecto que teñen Ttur-ttur Euskaltzaleon Bilgunea e o Concello de Oiartzun para impulsar o uso do éuscaro nos comercios e a hostalaría de Oiartzun.

Fonte: Diario Vasco

Durante a Segunda Guerra Mundial, o éuscaro foi un dos idiomas escollidos como código de comunicación de guerra por parte do Exército americano para enganar o seu inimigo xaponés.

Fonte: EiTB

O III Congreso das Linguas Indíxenas de Chile terá a Euskadi e o éuscaro como país e lingua convidados.

Fonte: 20 minutos

HABE, organismo de alfabetización e euscaldunización de adultos, ten acordos con 80 colectivos vascos de todo o mundo que permiten que arredor de 2200 persoas aprendan éuscaro.

Fonte: ABC

O PNV de Éibar presentou alegacións contra a ordenanza do éuscaro co obxectivo de lograr unha maior promoción da lingua.

Fonte: Diario Vasco

Un informe do Consello Escolar de Euskadi constatou que os escolares obteñen mellores resultados cando estudan na súa lingua materna.

Fonte: Diario Vasco

O Concello de Ortuella participará na campaña Nahi dudalako para promover o éuscaro entre a mocidade e intentar que continúen estudando nesta lingua ao rematar a ESO.

Fonte: Deia

Desde a área de Éuscaro da Deputación de Guipúscoa suxeriron que o coñecemento do éuscaro e do español sexa necesario para presentarse nas listas electorais ás eleccións municipais.

Fonte: Diario Vasco

O Concello de Elgoibar concedeu unha bolsa a un proxecto que busca protexer o patrimonio do éuscaro a través dunha páxina web.

Fonte: Diario Vasco