País Vasco
O concello vasco de Leioa celebra unha nova edición do seu festival de teatro en éuscaro
O festival Kultur Maratila, de teatro en éuscaro, celébrase na localidade biscaíña de Leioa desde 2012 co obxectivo de promocionar as artes escénicas en éuscaro.
Fonte: Deia
Denuncian o incumprimento da normativa do éuscaro na atención ao cliente das empresas privadas
Só o 22 % das empresas privadas en Euskadi cumpre a normativa que regula o réxime lingüístico de atención ao cliente.
Fonte: Europa Press
Unha adega arabesa etiqueta as súas botellas en éuscaro para dar máis presenza a esta lingua no sector da viticultura
A adega arabesa Cándido Besa quere normalizar o uso do éuscaro no sector da viticultura e para iso utiliza esta lingua no etiquetado das súas botellas, así como en todo tipo de documentos e actividades.
Fonte: Noticias de Álava
O Concello de Zaratamo xa ten o seu primeiro plan de éuscaro
O Concello de Zaratamo, unha das poucas localidades do País Vasco que non contaba con un, aprobou o seu primeiro Plan de normalización de uso do éuscaro.
Fonte: Deia
Case o 30 % dos videoxogos desenvolvidos no País Vasco está en éuscaro
Segundo a base de datos de videoxogos vascos Minimap, o 28,3 % dos xogos desenvolvidos no País vasco son en éuscaro.
Fonte: Vascopress
Apostan polo éuscaro como elemento integrador no contexto de pluralidade cultural de Euskadi
Nun contexto multicultural como é na actualidade o País Vasco, onde se falan ata un centenar de linguas diferentes, o Goberno vasco e o club de escritores Euskal PEN publicaron un manifesto no que apostan polo éuscaro como elemento integrador.
Fonte: El País
Unha asociación de Ortuella vai organizar cursos de éuscaro para pais castelanfalantes
A asociación Pozik Hazi Elkartea, do municipio vasco de Ortuella vai organizar un curso de éuscaro destinado a pais castelanfalantes para que estes poidan axudar os seus fillos cos deberes en éuscaro e comunicarse con eles nesta lingua.
Fonte: Deia
O Concello de Balmaseda celebrará a segunda edición de Enkaterri, unha iniciativa para falar en éuscaro
O Concello vasco de Balmaseda vai organizar a segunda edición de Enkaterri, unha iniciativa que reúne a diversas persoas para practicar conversa en éuscaro.
Fonte: Deia
Crean un xogo en liña para determinar o nivel de vocabulario en éuscaro
‘Hitzegi proba’ é un xogo desenvolvido polo Centro de Neurociencias BCBL e o Instituto do Éuscaro da Universidade do País Vasco para que os usuarios poidan determinar, en cinco minutos, o seu nivel de coñecemento de vocabulario en éuscaro.
Fonte: EITB
Celebran unha manifestación en Donostia a favor do éuscaro
Unha manifestación en favor do éuscaro percorreu San Sebastián para denunciar as acción dos gobernos vasco e navarro en materia de política lingüística e para reivindicar o seu dereito a vivir nesta lingua.
Fonte: Diario Vasco
Boletín
Subscríbase ao boletín
